బీఎస్-3 వాహనాలను బీఎస్-4 వాహనాలుగా నకిలీ ధ్రువపత్రాలతో రిజిస్ట్రేషన్ చేయించుకున్నారన్న అభియోగంపై పోలీసు కస్టడీలో ఉన్న జేసీ ప్రభాకర్రెడ్డి, అస్మిత్రెడ్డిల విచారణ పూర్తైంది. వీరిద్దరినీ ఆదివారం సాయంత్రం వరకు పోలీసులు విచారించారు. మొత్తం 64 ప్రశ్నలతో విచారించి సమాచార నివేదికను తయారుచేశారు. పోలీసు విచారణ తీరును జీసీ ప్రభాకర్రెడ్డి తప్పుబట్టారు. రిజిస్ట్రేషన్ చేసిన అధికారులు, విక్రయదారులను ఎందుకు ప్రశ్నించలేదని ఆయన అధికారులను నిలదీశారు. పోలీసుల ప్రశ్నావళి అంతా తానొక్కడే తప్పు చేసినట్లుగా ఉందని ప్రభాకర్రెడ్డి ఆరోపించారు.
'మిగిలిన వారిని ప్రశ్నించాలి'
ఈ కేసులో మిగిలిన వారిని కూడా ప్రశ్నించి.. ఎక్కడ తప్పు జరిగిందో తేల్చాలని జేసీ ప్రభాకర్రెడ్డి డిమాండ్ చేశారు. ప్రతి వాహనం తన ఖాతా చెక్కుల ద్వారానే కొనుగోలు చేశానన్న ఆయన.. తాను కొనని వాహనాలను సైతం తానే కొన్నట్లుగా చెబుతున్నారని ఆగ్రహం వ్యక్తం చేశారు.
అనంతపురం కోర్టుకు..
జేసీ ప్రభాకర్రెడ్డి, అస్మిత్రెడ్డిలకు ప్రభుత్వాస్పత్రిలో వైద్య పరీక్షలు నిర్వహించనున్నారు. అనంతరం వీరిని ఒకటో పట్టణ పోలీసులు అనంతపురం కోర్టుకు తరలించనున్నారు.
ఇదీ చూడండి: నేడు 4 స్లిప్, లింక్ రోడ్లను ప్రారంభించనున్న కేటీఆర్
