గురుకుల భూముల్లో అక్రమ నిర్మాణాల కూల్చివేత

చందానగర్​ సర్కిల్​లో గురుకుల ట్రస్ట్​ భూముల్లో చేపట్టిన 9 భవనాలు అక్రమ నిర్మాణాలు జీహెచ్​ఎంసీ కూల్చివేసింది. ప్రభుత్వ భూముల్లో జరిగే అక్రమ నిర్మాణాల పట్ల ప్రజలు అప్రమత్తంగా ఉండాలని కమిషనర్ లోకేష్ కుమార్ సూచించారు.

అక్రమ నిర్మాణాలు తొలగించేందుకు చేపట్టిన స్పెషల్ డ్రైవ్​లో భాగంగా గురుకుల ట్రస్ట్ భూముల్లో నిర్మించిన 9 భవనాలు కూల్చివేసినట్టు కమిషనర్ డీఎస్​ లోకేష్​ కుమార్​ తెలిపారు. బుధవారం నాడు పాక్షికంగా కూల్చిన నాలుగింటితోపాటు కొత్తగా ఐదు భవనాలు పూర్తిగా నేలమట్టం చేసినట్టు పేర్కొన్నారు.

మూడు బృందాలు టౌన్​ ప్లానింగ్​, 11 కంప్రెసర్లు, 3 గ్యాస్ కట్టర్లు, 2 జేసీబీలు ఉపయోగిస్తున్నట్టు కమిషనర్ తెలిపారు. ప్రభుత్వ భూములు కాపాడేందుకు తీసుకుంటున్న చర్యల్లో భాగంగా... సర్వే చేసి అక్రమ నిర్మాణాలు తొలగిస్తున్నట్టు పేర్కొన్నారు. ప్రభుత్వ భూముల్లో జరిగే అక్రమ నిర్మాణాల పట్ల ప్రజలు అప్రమత్తంగా ఉండాలని సూచించారు.

ఇదీ చూడండి: ఎగువన కురుస్తున్న వర్షాలతో జూరాలకు వరద