రాష్ట్రంలో పలువురు ఐఏఎస్లు ప్రమోషన్లు పొందారు. ఎన్నికల ప్రవర్తనా నియమావళి అమల్లో ఉన్న నేపథ్యంలో కేంద్ర ఎన్నికల సంఘం అనుమతి తీసుకుని ఉత్తర్వులు జారీ చేశారు. ముఖ్య కార్యదర్శులుగా ఉన్న అదర్ సిన్హా, శాలినీమిశ్రా, సోమేశ్ కుమార్లకు ప్రత్యేక ప్రధాన కార్యదర్శులుగా పదోన్నతులు కల్పించారు. కేంద్ర సర్వీసుల్లో ఉన్న ఆర్.ఆర్.మిశ్రా, వసుధా మిశ్రా, రాణి కుమిదినికి కూడా ప్రమోషన్ లభించింది. సవ్య సాచిఘోష్కు ముఖ్య కార్యదర్శిగా యోగితా రాణా, లోకేష్ కుమార్, టి.విజయ్ కుమార్, పి.సత్యనారాయణరెడ్డిలకు సూపర్ టైం స్కేల్కు పదోన్నతులు లభించాయి.
చంపాలాల్, భారతి లక్ పతి నాయక్, విజయేంద్ర, కె.వై.నాయక్, సురేంద్ర మోహన్, రోనాల్డ్ రోస్లకు సెలెక్షన్ గ్రేడ్ స్కేల్కు ప్రమోషన్ కల్పించారు. డి. దివ్య, భారతి హోళికేరి, హరిచందన, ప్రీతిమీనా, అమ్రపాలి కాటాలకు జూనియర్ అడ్మినిస్ట్రేటివ్ గ్రేడ్ స్కేల్కు పదోన్నతులు దక్కాయి. అనురాగ్ జయంతి, గౌతమ్, పమేలా సత్పథి, రాహుల్ రాజ్ లకు సీనియర్ టైం స్కేల్కు పదోన్నతి కల్పించారు. ఈ మేరకు సాధారణ పరిపాలనా శాఖ ఉత్తర్వులు జారీ చేసింది.
ఐపీఎస్లకు కూడా
అటు 23 మంది ఐపీఎస్ అధికారులకు పదోన్నతి లభించింది. సీసీఎస్‌ డీసీపీ అవినాష్‌ మోహంతి, మధ్య మండలం డీసీపీ విశ్వప్రసాద్‌, తూర్పు మండలం డీసీపీ రమేశ్కు సంయుక్త కమిషనర్‌లుగా పదోన్నతి లభించింది. వి.శివకుమార్‌, వి.బి.కమలాసన్‌రెడ్డి, ఎస్‌.చంద్రశేఖర్‌, ఏఆర్‌ శ్రీనివాస్‌ డీఐజీలుగా, అకున్‌ సబర్వాల్‌, సుధీర్‌బాబు, టి.ప్రభాకర్‌రావు, ప్రమోద్‌కుమార్‌ ఐజీలుగా, కె.శ్రీనివాస్‌రెడ్డి, బి.శివధర్‌రెడ్డి, సౌమ్య మిశ్ర, షిక గోయల్‌, అభిలాష బిస్తలకు అదనపు డీజీలుగా పదోన్నతులు పొందారు. ఇవీ చూడండి: లారీ నిండా బాంబులు- శ్రీలంకలో హైఅలర్ట్
