విపత్తుల సమయంలో పోలీసులు మెరుగైన సేవలందించాలి: సీపీ

హైదరాబాద్ పోలీసు కమిషనరేట్​లో పోలీసు సంస్మరణోత్సవాలు నిర్వహించారు. ఈ సందర్భంగా పోలీసు అధికారులు, సిబ్బంది, నగర ప్రజలతో వర్చువల్ సమావేశం నిర్వహించారు. ముంపు ప్రాంతాల్లో పోలీసుల సేవలను స్థానికులు కొనియాడారు.

పోలీసు అమరవీరుల సంస్మరణోత్సవాల సందర్భంగా హైదరాబాద్‌ పోలీసు కమిషనరేట్‌లో ఫ్లాగ్‌ డే నిర్వహించారు. హైదరాబాద్ పోలీసు కమిషనర్‌ అంజనీకుమార్‌... నారాయణగూడ, తూర్పు, ఉత్తర మండలం తదితర ప్రాంతాల్లోని పోలీసు అధికారులతో పాటు స్థానికులతో వర్చువల్‌ విధానాంలో సమావేశమయ్యారు.

శాంతిభద్రతల పరిరక్షణతో పాటు నేరాలను అరికట్టడం, విపత్తులు సంభవించినప్పుడు పోలీసు అధికారులు, సిబ్బంది తమ వంతు ప్రజలకు మరింత మెరుగైన సేవలందించాలని సీపీ సూచించారు. హైదరాబాద్‌లో వరద ముంపు ప్రాంతాల్లో పోలీసులు చేసిన సేవలను స్థానికులు కొనియాడారు.

ఇదీ చూడండి: 'రాష్ట్ర ప్రభుత్వానికి వచ్చే ఆదాయం భారీగా తగ్గింది'