సీసీ కెమెరాల ద్వారా నేరాల ఛేదన వేగవంతమైందని హైదరాబాద్ పోలీసు కమిషనర్ అంజనీకుమార్ స్పష్టం చేశారు. ఎటువంటి నేరం జరిగినా... 24 గంటల్లో నేరగాళ్లను పట్టుకుంటున్నామని వివరించారు. నగరంలో ఇప్పటికే 3 లక్షలకు పైగా సీసీ కెమెరాలు ఏర్పాటయ్యాయని... మరిన్ని ఏర్పాటు చేయాల్సి ఉందన్నారు. ఒక్క కెమెరా వంద మంది కానిస్టేబుళ్లతో సమానమన్నారు.
కొవిడ్‌ ప్రబలుతున్న నేపథ్యంలో ప్రజలందరూ తగు జాగ్రత్తలు పాటించాలని... విధిగా మాస్కు ధరించి శానిటైజర్‌ వాడాలని అంజనీకుమార్ సూచించారు. ఆర్టీసీ కల్యాణ మండపంలో జరిగిన కార్యక్రమంలో అంజనీకుమార్ 250 సీసీ కెమెరాలను ప్రారంభించారు. ఈ కార్యక్రమంలో ట్రాఫిక్‌ అదనపు కమిషనర్ అనిల్‌కుమార్‌, మధ్య మండలం డీసీపీ విశ్వప్రసాద్‌ తదితరులు పాల్గొన్నారు.
