వరద మృతుల కుటుంబాలకు పరిహారం అందజేత

నగరంలో వర్షం చేసిన విలయతాండవానికి బలైన వారి కుటుంబాలకు ప్రభుత్వం పరిహారం అందించింది. రంగారెడ్డి జిల్లా బండ్లగూడలోని తహసీల్దార్​ కార్యాలయంలో అందుబాటులో ఉన్న బాధిత కుటుంబాలకు హోం మంత్రి మహమూద్​​ అలీ, ఎంపీ అసదుద్దీన్​ ఓవైసీ, ఎమ్మెల్యే అక్బరుద్దీన్ చెక్కులను పంపిణీ చేశారు.

వర్షం ధాటికి ప్రాణాలు కోల్పోయిన వారి కుటుంబాలకు రంగారెడ్డి జిల్లా బండ్లగూడలోని తహసీల్దార్​ కార్యాలయంలో హోంమంత్రి మహమూద్​ అలీ, ఎంపీ అసదుద్దీన్​ ఓవైసీ, ఎమ్మెల్యే అక్బరుద్దీన్​ చెక్కులు పంపిణీ చేశారు. ఒక్కో బాధిత కుటుంబానికి రాష్ట్ర ప్రభుత్వం తరఫున రూ. 5 లక్షల పరిహారం అందించారు.

ఏకధాటిగా కురిసిన వర్షానికి హైదరాబాద్ పాతబస్తీ బండ్లగూడ మండలంలోని గౌస్​నగర ప్రాంతంలో గోడ కూలి 8 మంది మరణించారు. గాజీమిల్లట్ ప్రాంతంలో గోడ కూలి ఒకరు మరణించారు. వర్షం వల్ల దాదాపు 2 వేల ఇండ్లు దెబ్బతిన్నాయని, ఇండ్లలోని సామగ్రి పాడైపోయిందని, పూర్తిగా కూలిన ఇండ్ల వివరాలు సేకరిస్తున్నామని తహసీల్దార్ ఫర్హీన్ షేక్ తెలిపారు.

ఇదీ చూడండి: వరద బాధితులకు మంత్రి కేటీఆర్ పరామర్శ