తెలంగాణ పోలీసులకు హైకోర్టు చీఫ్​ జస్టిస్ ప్రశంసలు

కరోనా వ్యాప్తి నివారణకు విధించిన లాక్​డౌన్​ ప్రారంభం నుంచి ఇప్పటి వరకు నిరంతరం శ్రమించిన పోలీసుల సేవలను రాష్ట్ర హైకోర్టు ప్రధాన న్యాయమూర్తి జస్టిస్ రాఘవేంద్ర చౌహాన్ ప్రశంసించారు. కొవిడ్ వ్యాప్తి క్రమంలో సేవలందిస్తూ ప్రాణాలొదిలిన వారియర్స్​కు సంతాపం తెలిపిన చౌహాన్.. వారి కుటుంబాలకు ప్రగాఢ సానుభూతి ప్రకటించారు.

లాక్​డౌన్​ మొదలైనప్పటి నుంచి 9నెలలుగా రాత్రింబవళ్లు శ్రమించి సేవలందిస్తున్న పోలీసులను రాష్ట్ర హైకోర్టు చీఫ్​ జస్టిస్ రాఘవేంద్ర చౌహాన్ ప్రశంసించారు. కరోనా వ్యాప్తి నివారణకు ప్రజల్లో అవగాహన కల్పిస్తూ, నిరంతరం పనిచేసిన హైదరాబాద్​ సిటీ పోలీసులతోపాటు ఇతర జిల్లాల పోలీసులను చౌహాన్ అభినందించారు.

కరోనా వారియర్స్​కు సేవలందిస్తూ ప్రాణాలు వదిలిన పోలీసులకు సంతాపం తెలిపిన చౌహాన్.. వారి కుటుంబాలకు ప్రగాఢ సానుభూతి ప్రకటించారు. ఖైరతాబాద్​లోని విశ్వేశ్వరయ్య ఇంజినీర్స్​ భవన్​లో సిటీ పోలీసు విభాగం రూపొందించిన కాప్స్ వర్సెస్ కొవిడ్ 19 అనే పుస్తకాన్ని చీఫ్ జస్టిస్ రాఘవేంద్ర సింగ్ చౌహాన్ సీఎస్ సోమేశ్ కుమార్​తో కలిసి ఆవిష్కరించారు.

కరోనా ప్రభావం ఇంకా తగ్గలేదని.. ప్రజలంతా అప్రమత్తంగా ఉండాలని జస్టిస్ చౌహాన్ సూచించారు. మరికొన్ని వారాల్లో వాక్సిన్ వస్తుందని సీపీ అంజనీ కుమార్ వెల్లడించారు.

• ఇదీ చూడండి : ఎర్రబెల్లి సవాల్​: వరంగల్​ నగరానికి ఎవరేం చేశారో తేల్చుకుందాం..