Woman died in Amarnath yatra: ఏపీ నుంచి అమర్నాథ్ యాత్రకు వెళ్లిన వారిలో.. తూర్పుగోదావరి జిల్లా రాజమహేంద్రవరానికి చెందిన మహిళ మృతిచెందారు. గునిశెట్టి సుధ అనే మహిళ మరణించారు. ఆమె మృతదేహం శ్రీనగర్‌ ఆస్పత్రిలో ఉన్నట్లు అధికారులు గుర్తించారు. ఇదే ప్రాంతానికి చెందిన మరో మహిళ పార్వతి ఆచూకీ కనుగొనేందుకు చర్యలు చేపట్టారు.
25 మంది ఆచూకీ దొరకట్లేదు : నెల్లూరు జిల్లా నుంచి మొత్తం 82 మంది అమర్నాథ్ యాత్రకు వెళ్లారని కలెక్టర్‌ చక్రధర్ బాబు తెలిపారు. వీరిలో ఇప్పటి వరకు 57 మంది సురక్షితంగా ఉన్నారని వెల్లడించారు. మరో 25 మంది ఆచూకీ దొరకడం లేదని తెలిపారు. ఆచూకీ దొరకనివారి కుటుంబసభ్యులతో మాట్లాడుతున్నామని చెప్పిన కలెక్టర్‌.. నెల్లూరు జిల్లా యాత్రికుల కోసం 1902 టోల్‌ఫ్రీ నెంబర్ ఏర్పాటు చేసినట్టు వెల్లడించారు.
ప్రాణాలతో బయటపడిన నెల్లూరు జిల్లా యాత్రికులు బంధువులకు ఫోన్‌ చేసి క్షేమ సమాచారం ఇస్తున్నారు. వారివారి కుటుంబ సభ్యులు ఆనందం వ్యక్తం చేస్తున్నారు. అమర్నాథ్ యాత్రకు వెళ్లిన.. పలువురు తెలుగు యాత్రికుల క్షేమ సమాచారాలు అందకపోవడంతో.. రెవెన్యూ అధికారులు వారి చిరునామాలు, ఫోన్‌ నంబర్ల ఆధారంగా ఇళ్లకు వెళ్లి విచారిస్తున్నారు. ఈ సందర్భంగా.. కొందరు తమ బంధువులు క్షేమంగానే ఉన్నారని చెప్పగా.. మరికొందరు తమవారి జాడ తెలియట్లేదని చెబుతున్నారు. ఈ వివరాలు సేకరిస్తున్న అధికారులు.. జాడ తెలియని వారి వివరాల కోసం ప్రయత్నిస్తున్నారు.
ఇవీ చూడండి:
