హైదరాబాద్ నగరంలో ఉన్న నిరక్షరాస్యులను లెక్క తేల్చేందుకు జీహెచ్ఎంసీ సర్వే చేపట్టింది. గ్రేటర్ హైదరాబాద్ మున్సిపల్‌ కార్పొరేషన్‌లో గల నిరక్షరాస్యులు ఎంతమందో ఈ సర్వేలో తేలనుంది. ఫిబ్రవరి 24 నుంచి మార్చి 4వరకు తొమ్మిది రోజుల పాటు జరిగే ఈ సర్వేలో తొలిరోజు లక్షా 23 వేల కుటుంబాలను ఎన్యుమరేట్‌ చేశారు. ఇందులో 17,365 మంది నిరక్షరాస్యులను గుర్తించినట్లు జీహెచ్ఎంసీ కమిషనర్‌ డీఎస్‌ లోకేశ్ కుమార్‌ తెలిపారు.
నగరంలోని 150 వార్డులను 5,704 నాలుగు ఆవాస ప్రాంతాలుగా గుర్తించి.. సర్వేకు అనుకూలంగా ఉండేలా బ్లాకులుగా విభజించారు. నగరంలో నివసిస్తున్న 24 లక్షల 78 వేల కుటుంబాలను ఈ సర్వేలో భాగస్వామ్యం చేయనున్నారు. బ్లాకుకు ఒకరు చొప్పున 8681 మంది ఎన్యుమరేటర్లు ఈ సర్వేలో పాల్గొంటున్నారు. సర్వేలో జీహెచ్ఎంసీ సేకరించిన నిరక్షరాస్యుల వివరాలను రాష్ట్ర ప్రభుత్వానికి సమర్పించనుంది.
