'మన టీఎస్​ బీపాస్ దేశంలోనే అత్యుత్తమంగా నిలవనుంది'

రాష్ట్రంలో భవన నిర్మాణ, లేఅవుట్ల అనుమతుల జారీ కోసం ఏర్పాటు చేసిన టీఎస్ బీపాస్ నిన్నటి నుంచి అమల్లోకి వచ్చింది. అవినీతి రహిత, పారదర్శక విధానం దేశంలోనే అత్యుత్తమ భవన నిర్మాణ అనుమతుల ప్రక్రియగా నిలవనుందని మంత్రి కేటీఆర్ తెలిపారు. దీని ద్వారా భవన నిర్మాణ అనుమతులు ఎలా పొందవచ్చు, అనుమతుల కోసం ఎన్ని రోజుల సమయం పడుతుంది... వంటి విషయాలు తెలుసుకుందాం.

రాష్ట్రంలో తెలంగాణ స్టేట్ బిల్డింగ్ పర్మిట్, సెల్ఫ్ సర్టిఫికేషన్ సిస్టమ్ (టీఎస్ బీపాస్) అనే నూతన విధానాన్ని ప్రభుత్వం అందుబాటులోకి తెచ్చింది. జీహెచ్ఎంసీతోపాటు రాష్ట్రంలోని పట్టణాలు, నగరాల్లో భవన నిర్మాణాలు, లే అవుట్ల అనుమతులకు దరఖాస్తు చేసిన నిర్ణిత సమయంలోగా ఆన్​లైన్​లో అనుమతులు జారీ చేయనున్నారు. ప్రజలపై విశ్వాసంతో తీసుకోచ్చిన టీఎస్ బీపాస్​ను వినియోగించుకోవాలని పురపాలక శాఖ అధికారులు కోరుతున్నారు. తప్పుడు వివరాలతో భవనాలు నిర్మిస్తే... ఎలాంటి నోటీసు లేకుండానే కూల్చే అధికారాన్ని సైతం ఈ చట్టంలో ప్రవేశపెట్టారు. టీఎస్ బీపాస్ ద్వారా ఆన్ లైన్​లో భవన నిర్మాణాలు, లే అవుట్ల పర్మిషన్​కు ఎలా అప్లయ్ చేసుకోవాలనే విషయాలను జీహెచ్ఎంసీ చీఫ్ సిటీ టౌన్ ప్లానింగ్ అధికారి దేవేందర్ రెడ్డితో మా ప్రతినిధి కార్తీక్ ముఖాముఖి.

ఇదీ చూడండి: పోటీ చేసే అభ్యర్థులు పారదర్శకత పాటించాలి: పార్థసారథి