భాజపా నేత, ఏపీ మాజీ మంత్రి పైడికొండల మాణిక్యాలరావు కన్నుమూశారు. కొద్దిరోజులుగా కరోనాతో బాధపడుతూ విజయవాడలోని ఓ ప్రైవేటు ఆస్పత్రిలో వెంటిలేటర్పై ఆయన చికిత్స పొందుతున్నారు. 20 రోజుల క్రితం ఏలూరు కొవిడ్ ఆస్పత్రిలో చేరిన ఆయనను.. మెరుగైన చికిత్స కోసం విజయవాడ తరలించారు.
దిల్లీ ఎయిమ్స్ వైద్యుల పర్యవేక్షణలో మాణిక్యాలరావుకు చికిత్స అందించారు. 5 రోజులుగా ఆయన వెంటిలేటర్పైనే ఉన్నారు. ఈ క్రమంలో పరిస్థితి విషమించి ప్రాణాలు కోల్పోయారు. ఆయన మృతి పట్ల భాజపా నేతలు దిగ్భ్రాంతి వ్యక్తం చేశారు.
ప్రస్థానం
- 1961 నవంబర్‌ 1న తాడేపల్లిగూడెంలో జన్మించిన పైడికొండల మాణిక్యాలరావు
- తాడేపల్లిగూడెంలో పాఠశాల విద్య, పెంటపాడులో కళాశాల విద్య అభ్యసించిన మాణిక్యాలరావు
- పైడికొండల మాణిక్యాలరావుకు భార్య సూర్యకుమారి, కుమార్తె సింధు
- తెదేపా-భాజపా కూటమి అభ్యర్థిగా 2014 ఎన్నికల్లో ఎమ్మెల్యేగా ఎన్నిక
- తాడేపల్లిగూడెం అసెంబ్లీ నియోజకవర్గం నుంచి శాసనసభ్యునిగా ఎన్నిక
- 2014లో తెదేపా ప్రభుత్వంలో దేవదాయ, ధర్మాదాయ శాఖ మంత్రిగా బాధ్యతలు
- చిన్నప్పటి నుంచి ఆర్‌ఎస్‌ఎస్‌లో పనిచేసిన మాణిక్యాలరావు
- 9 ఏళ్ల వయస్సులోనే రాష్ట్రీయ స్వయం సేవక్ సంఘ్‌లో చేరిన మాణిక్యాలరావు
- భాజపా ఆవిర్భావం నుంచి పార్టీలోనే కొనసాగుతున్న మాణిక్యాలరావు
- ఫొటోగ్రాఫర్‌గా వృత్తి జీవితాన్ని ప్రారంభించిన మాణిక్యాలరావు
- ఫోటోస్టూడియో మూసివేసి 'సింధు షూమార్ట్' ప్రారంభించిన మాణిక్యాలరావు
- సింధు ఎంటర్‌ప్రైజెస్‌గా మార్చి ఆటోమొబైల్ విడిభాగాల విక్రయాలు చేసిన మాణిక్యాలరావు
- 2011-2013 వరకు మానవత సంస్థ తాడేపల్లిగూడెం పట్టణ అధ్యక్షునిగా సేవా కార్యక్రమాలు
- మానవత సేవా సంస్థ ద్వారా జిల్లాలోని పలు పట్టణాల్లో శీతల శవపేటికలు ఉచితంగా ఏర్పాటు
