1. అఖిల ప్రియ తీర్పు వాయిదా
అఖిల ప్రియ బెయిల్ పిటిషన్‌పై తీర్పు రేపటికి వాయిదా పడింది. పిటిషన్‌పై వాదనలు ముగిసిన అనంతరం సికింద్రాబాద్ కోర్టు తీర్పు రేపటికి వాయిదా వేసింది. పూర్తి వివరాల కోసం క్లిక్ చేయండి.
2. కేసీఆర్‌కు వైద్య పరీక్షలు
ముఖ్యమంత్రి కేసీఆర్ సికింద్రాబాద్ యశోద ఆస్పత్రికి చేరుకున్నారు. ఊపిరితిత్తుల్లో మంటగా ఉండటం వల్ల వైద్యులు ఎంఆర్ఐ, సిటీ స్కాన్ పరీక్షలు నిర్వహిస్తున్నారు. పూర్తి వివరాల కోసం క్లిక్ చేయండి.
3. 'గ్యాస్ పైప్లైన్ వద్దే వద్దు'
జోగులాంబ గద్వాల జిల్లా మానవపాడు మండలం గోకులపాడు రైతులు గ్యాస్పైప్లైన్ నిర్మాణాన్ని వ్యతిరేకిస్తున్నారు. గ్యాస్ పైప్లైన్ నిర్మాణం జరిగే చోట అధికారులతో రైతులు వాగ్వాదానికి దిగారు. పూర్తి వివరాల కోసం క్లిక్ చేయండి.
4. మాదకద్రవ్యాల కేసులో విచారణ
మధ్యప్రదేశ్‌ ఇండోర్‌లో భారీ మొత్తంలో మాదకద్రవ్యాలతో పట్టుబడిన వేద ప్రకాశ్ వ్యాస్‌ ఇంట్లో సైబరాబాద్ పోలీసులు సోదాలు నిర్వహించారు. కూకట్‌పల్లి ప్రగతినగర్‌లోని ఆయన ఇంట్లో తనిఖీలు చేయగా మాదక ద్రవ్యాలకు సంబంధించి ఎలాంటి ఆధారాలు లభ్యం కాలేదని సీపీ సజ్జనార్ స్పష్టం చేశారు. పూర్తి వివరాల కోసం క్లిక్ చేయండి.
5. ట్రాక్టర్ల ర్యాలీతో నిరసన
నూతన సాగు చట్టాలకు వ్యతిరేకంగా దిల్లీ సరిహద్దులో ఉద్యమిస్తున్న అన్నదాతలు.. గురువారం ట్రాక్టర్ ర్యాలీ చెేపట్టారు. గణతంత్ర దినోత్సవం నాడు రాజ్పథ్లో నిర్వహించబోయే.. కవాతుకు రిహార్సల్గా దీన్ని జరిపారు. 3,500కు పైగా ట్రాక్టర్లు ఈ ర్యాలీలో పాల్గొన్నాయి. పూర్తి వివరాల కోసం క్లిక్ చేయండి.
6. ఆరోగ్య మంత్రులతో హర్షవర్ధన్
కరోనా వ్యాక్సిన్ పంపిణీలో వచ్చే లోటుపాట్లు గుర్తించి, వాటిని అధిగమించేందుకు ఈ నెల 8న దేశవ్యాప్తంగా మరోసారి డ్రైరన్ నిర్వహించనుంది కేంద్రం. ఈ నేపథ్యంలో రేపటి డ్రై రన్, వ్యాక్సిన్ పై ప్రజల్లో ఉన్న అపోహలు తొలగించడం, ముందస్తు జాగ్రత్తలు, ఇతర విషయాలపై చర్చించేందుకు అన్ని రాష్ట్రాల ఆరోగ్య మంత్రులు, అధికారులతో కేంద్ర వైద్య ఆరోగ్య శాఖ మంత్రి హర్షవర్ధన్ వర్చువల్గా సమావేశమయ్యారు. పూర్తి వివరాల కోసం క్లిక్ చేయండి.
7. బైడెన్ విజయం ఖరారు
అమెరికా 46 వ అధ్యక్షుడిగా జో బైడెన్, ఉపాధ్యక్షురాలిగా కమలా హారిస్ ఖరారయ్యారు. ఈమేరకు బైడెన్, కమల విజయాన్ని ఎలక్టోరల్ ఓట్ల ఆధారంగా అమెరికా కాంగ్రెస్ ధ్రువీకరించింది. అధికారం చేపట్టేందుకు 270 ఓట్లు అవసరం కాగా... బైడెన్కు 282, ట్రంప్కు 138 ఓట్లు వచ్చినట్లు తేల్చింది. పూర్తి వివరాల కోసం క్లిక్ చేయండి.
8. ట్రంప్ వర్గం రచ్చ
అమెరికా క్యాపిటల్లో జరిగిన హింసాకాండ ప్రపంచవ్యాప్తంగా చర్చనీయాంశమైంది. బైడెన్ విజయాన్ని ధ్రువీకరించేందుకు సమావేశమైన కాంగ్రెస్ను అడ్డుకునేందుకు... ట్రంప్ మద్దతుదారులు చేసిన ప్రయత్నంతో అగ్రరాజ్యం ఉలిక్కిపడింది. ఈ ఘటనలో నలుగురు మరణించారు. మరికొందురు గాయపడ్డారు. ఈ పూర్తి వ్యవహారాన్ని అమెరికా మాజీ అధ్యక్షులు, నేతలు ఖండించారు. హింసకు ట్రంప్ ప్రేరేపించారని మండిపడ్డారు. పూర్తి వివరాల కోసం క్లిక్ చేయండి.
9. తొలిరోజు ఆసీస్దే
టీమ్ఇండియాతో జరుగుతోన్న మూడో టెస్టు తొలి రోజు ఆటముగిసే సమయానికి ఆస్ట్రేలియా రెండు వికెట్ల నష్టానికి 166 పరుగులు చేసింది. వర్షం కారణంగా దాదాపు నాలుగు గంటల ఆట సాధ్యం కాలేదు. పూర్తి వివరాల కోసం క్లిక్ చేయండి.
10. సామ్ ట్వీట్
'ద ఫ్యామిలీ మ్యాన్' వెబ్ సిరీస్ రెండో భాగం గురించి నటి సమంత ట్వీట్ చేసింది. ఇందులో రాజీ ఎవరు? అంటూ అడుగుతూ రిలీజ్ డేట్ వెల్లడించి, ఓ వీడియోను పోస్ట్ చేసింది. పూర్తి వివరాల కోసం క్లిక్ చేయండి.
