ED On IMS Scam: బీమా వైద్య సేవల కేసు (ఐఎంఎస్) నిందితుడు కంచర్ల శ్రీహరి బాబు రిమాండ్ కోసం ఎన్ఫోర్స్మెంట్ డైరెక్టరేట్ హైకోర్టును ఆశ్రయించింది. ఐఎంఎస్ కుంభకోణంలో ఓమ్ని మెడి సంస్థ మేనేజింగ్ డైరెక్టర్ కంచర్ల శ్రీహరి బాబును ఇటీవల ఈడీ అరెస్టు చేసి, నాంపల్లి మెట్రోపాలిటన్ సెషన్స్ కోర్టులో హాజరుపరిచింది. శ్రీహరి బాబుకు రిమాండ్ విధించి చంచల్గూడ జైలుకు తరలించాలన్న ఈడీ అభ్యర్థనను న్యాయస్థానం తోసిపుచ్చింది. అరెస్టు సందర్భంగా సీఆర్పీసీ 41- ఏ సెక్షన్ ప్రకారం ఈడీ వ్యవహరించలేదని తప్పుపట్టింది.
శ్రీహరిబాబును అరెస్టును కొట్టివేస్తూ నాంపల్లి కోర్టు ఇచ్చిన ఉత్తర్వులను సవాల్ చేస్తూ ఈడీ.. హైకోర్టును ఆశ్రయించింది. మనీలాండరింగ్ నిరోధక చట్టంలోని సెక్షన్ 19 ప్రకారం అరెస్టు చేసే అధికారం ఈడీకి ఉంటుందని అదనపు సొలిసిటర్ జనరల్ సూర్యకరణ్ రెడ్డి వాదించారు. ఈడీ పిటిషన్పై స్పందించాలని శ్రీనివాసరావుకు నోటీసులు జారీ చేసిన హైకోర్టు.. విచారణను ఈనెల 28కి వాయిదా వేసింది.
