విద్యుత్ సంస్థల్లో పనిచేస్తున్న కార్మికుల సమస్యలు పరిష్కరించాలని కోరుతూ... రాష్ట్ర విద్యుత్ ఉద్యోగుల సంఘం హైదరాబాద్లో ధర్మ పోరాట మౌన దీక్ష చేపట్టింది. ఉద్యోగులను క్రమబద్ధీకరించినట్టు సంస్థ యాజమాన్యం ప్రకటించినప్పటికీ... ఇప్పటి వరకు ఎటువంటి లబ్ధి చేకూరలేదని సంఘం అధ్యక్షుడు నాగరాజ్‌ ఆవేదన వ్యక్తం చేశారు.
మిగిలిపోయిన 6500 మీటర్‌ రీడర్లు, స్టోర్‌ హమాలీలు, ఏపీటీఎస్‌ విజిలెన్స్‌, సెక్యురిటీ గార్డులకు వేతనాలతో కూడిన ఇపీఎఫ్‌, ఇఎస్‌ఐ సౌకర్యాలు కల్పించాలని డిమాండ్ చేశారు. లేని పక్షంలో ఆందోళనను మరింత ఉద్ధృతం చేస్తామని హెచ్చరించారు.
