రాష్ట్ర ప్రభుత్వం నిర్వహిస్తున్న జ్వర సర్వేలో 17 వేలకుపైగా బృందాలు పాల్గొన్నాయని డైరెక్టర్ ఆఫ్ హెల్త్ శ్రీనివాసరావు (director of health telangana)తెలిపారు. ఆరోగ్య బృందాలు ఇప్పటి వరకు 6 లక్షల ఇళ్లల్లో జ్వర సర్వే(fever survey) చేసినట్లు వెల్లడించారు. కొవిడ్ ఓపీలో 11,814 మందికి లక్షణాలు ఉన్నట్లు గుర్తించామన్నారు.
ఇప్పటివరకు 64 ప్రైవేటు ఆస్పత్రులపై 88 ఫిర్యాదులు వచ్చాయని డీహెచ్ వెల్లడించారు. వీటిని పరిశీలించి షోకాజ్‌ నోటీసులు ఇచ్చామన్నారు. ఆయా ఆస్పత్రులు 24 నుంచి 48 గంటల్లోగా వివరణ ఇవ్వాలని ఆదేశించామని శ్రీనివాసరావు తెలిపారు.
రాష్ట్రంలో 1,200కు పైగా ప్రైవేట్ ఆస్పత్రుల్లో కొవిడ్ చికిత్సలు అందిస్తున్నట్లు శ్రీనివాసరావు పేర్కొన్నారు. బ్లాక్ ఫంగస్ (మ్యూకోర్ మైకోసిస్)కు 44 ఆస్పత్రులు చికిత్స అందిస్తున్నాయన్నారు.
బ్లాక్ ఫంగస్(black fungus) చికిత్సకు 1,500 పడకలు కేటాయించినట్లు పేర్కొన్నారు. ప్రస్తుతం వివిధ ప్రైవేటు ఆస్పత్రుల్లో 270 మంది చికిత్స పొందుతున్నారు.
ఇవీచూడండి: corona: రాష్ట్రంలో కొత్తగా 3,614 మందికి కొవిడ్ పాజిటివ్
