హైదరాబాద్లోని అడ్డగుట్ట ప్రజలు ఎదుర్కొంటున్న ఎన్నో సమస్యలను పరిష్కరించామని ఉప సభాపతి పద్మారావు గౌడ్ తెలిపారు. రాష్ట్ర ప్రభుత్వం వరద బాధితులకు అందిస్తున్న రూ.10 వేల ఆర్థిక సహకారాన్ని అడ్డగుట్టలోని పలు ప్రాంతాల్లో పంపిణీ చేశారు. వెంకట్నగర్, శాస్త్రినగర్ ప్రాంతాల్లో పద్మారావుగౌడ్ పాదయాత్ర నిర్వహించారు.
కార్పొరేటర్ విజయ కుమారి, తెరాస యువ నేతలు కిశోర్ కుమార్, రామేశ్వర్ గౌడ్తో పాటు పలువురు నేతలు ఈ కార్యక్రమంలో పాల్గొన్నారు. ఇటీవల కురిసిన వర్షాలకు ప్రజా ఇబ్బందులను దృష్టిలో ఉంచుకుని బాధితులందరికి ఆర్థిక సహకారం అందించాలని నిర్ణయించినట్లు పద్మారావుగౌడ్ తెలిపారు. వెంకట్నగర్లో మంచి నీటి ఎద్దడిని నివారించేందుకు వెంటనే ఏర్పాట్లు చేయాలని అధికారులను ఆదేశించారు. శాస్త్రినగర్లోని సమస్యలపై త్వరలోనే సమీక్షిస్తామని పద్మారావు గౌడ్ పేర్కొన్నారు.
