రోజురోజుకి సైబర్ నేరగాళ్లు రెచ్చిపోతున్నారు. కొత్త కొత్త రకాలుగా ప్రజలను మభ్యపెట్టి దోచుకుంటున్నారు. గిఫ్టు, ఓటీపీ, ఓఎల్ఎక్స్ పేర్లతో 20 లక్షల రూపాయలు ఆన్లైన్ ద్వారా సైబర్ మోసగాళ్లు కాజేశారు. యూకేలో మత బోధకుడిని అంటూ హైదరాబాద్కి చెందిన ఓ మహిళతో పరిచయం పెంచుకుని వాట్సప్ చాటింగ్ చేశారు.
ఎయిర్ పోర్ట్ నుంచి
ఇండియాలో కరోనా ఎక్కువగా ఉందని పేదలకు హెల్ప్ చేయడానికి గిఫ్ట్, కరెన్సీ పంపిస్తున్నామని తెలిపారు. దిల్లీ ఎయిర్ పోర్ట్ నుంచి ఫోన్ చేస్తున్నామని నమ్మించి కస్టమ్, ఐటీ, జీఎస్టీ కట్టాలని చెప్పారు. సదరు మహిళ నుంచి రూ.11 లక్షలు కాజేశారు. తర్వాత మోసపోయానని తెలుసుకున్న మహిళ పోలీసులకు ఫిర్యాదు చేసింది.
మరో కేసులో....
పలువురి నుంచి ఓటీపీ, ఓఎల్ఎక్స్ల పేరుతో 9 లక్షల రూపాయలు సైబర్ నేరగాళ్లు కాజేశారు. మోసపోయామని తెలుసుకున్న బాధితులు హైదరాబాద్ సైబర్ క్రైమ్ పోలీసులకు ఫిర్యాదు చేశారు. పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చూడండి : సంక్రాంతి బరిలో పవన్ 'వకీల్సాబ్'!
