సైబర్ నేరగాళ్లు రెచ్చిపోతున్నారు. ఫ్రెండ్షిప్ పేరుతో ఓ వ్యక్తిని దారుణంగా మోసం చేశారు. అమ్మాయి అనుకొని చాటింగ్ చేసిన రూ.91 వేలు పోగొట్టుకున్నాడు హైదరాబాద్ బొల్లారం ప్రాంతానికి చెందిన ఓ వ్యక్తి. డబ్బులు ట్రాన్స్ఫర్ చేశాక నిందుతులు నంబర్ బ్లాక్ చేశారు. అప్రమత్తమైన బాధితుడు సైబర్ క్రైం పోలీసులను ఆశ్రయించాడు.
'మీకు సింగిల్ లేడీ కావాలా... గంటలో మీ ఇంట్లో ఉంటుంది' అని ఫేస్బుక్లో పోస్టు పెట్టారు. ఆసక్తి ఉంటే వాట్సాప్లో సంప్రదించండి అని ఓ చరవాణి నంబరు ఉంచారు. అది చూసి బాధితుడు వాట్సాప్ సందేశం పంపాడు. అమ్మాయి చేసినట్టు నమ్మించి డబ్బులు గుంజారు. డబ్బులు ఖాతాలో జమ కాగానే నంబర్ బ్లాక్ చేశారు. బాధితుడి ఫిర్యాదు మేరకు పోలీసులు దర్యాప్తు ప్రారంభించారు.
ఇదీ చూడండి: రాష్ట్రంలో 872కు చేరిన కరోనా పాజిటివ్ కేసులు
