సీవీఆర్ కాలేజ్ ఆఫ్ ఇంజినీరింగ్ పూర్వ విద్యార్థుల సమ్మేళనం అమెరికాలోని డల్లాస్ నగరంలో అక్టోబర్ 23న వైభవంగా జరిగింది. ఈ కార్యక్రమంలో 2005- 2019లకు చెందిన పూర్వ విద్యార్థులు పాల్గొన్నారు. రోహిత్ వుప్పల అధ్యక్షతన ఈ సమ్మేళనం ఘనంగా నిర్వహించారు.
తమ కళాశాల ప్రారంభమై 20 ఏళ్లు పూర్తైన సందర్భంగా పూర్వ విద్యార్థుల సంఘం ఆధ్వర్యంలో రెండో సభ నిర్వహించారు. విశ్వవ్యాప్తంగా రాణించిన విద్యార్థులంతా ఈ సమ్మేళనంలో పాల్గొన్నారు. మొదటిది కాలిఫోర్నియా నగరంలో అక్టోబర్ 10న కోలాహలంగా జరిగింది.
ఛైర్మన్ డా.రాఘవ చిరబుడ్డి ముఖ్య అతిథిగా హజరై.. ఈ 20 సంవత్సరాల్లో కళాశాల సాధించిన విజయాలను, అధిగమించిన మైలురాళ్లను సభావేదికగా పంచుకున్నారు. పూర్వవిద్యార్థుల విశిష్టతను, వివిధ రంగాల్లో వారు సాధించిన ప్రగతిని కొనియాడారు. భావితరాలకు తమ విజ్ఞానాన్ని పంచేవిధంగా తదుపరి కార్యాచరణను ప్రకటించవలసిందిగా కోరారు.
ఈ కార్యక్రమంలో పాల్గొన్న పూర్వ విద్యార్థులు అప్పటి తీపి జ్ఞాపకాలను గుర్తుచేసుకున్నారు. తదుపరి జరిగిన సాంస్కృతిక కార్యక్రమాలు అందరినీ అలరించాయి.
ఇదీ చూడండి: స్పెయిన్ బుల్ రన్లో ఉద్రిక్తత.. అంతలోనే..!
