కాంగ్రెస్ పార్టీ బల్దియా ఎన్నికల మేనిఫెస్టోను విడుదల చేసింది. వరదల నివారణ, కరోనా చికిత్స, విద్యార్థులు, దివ్యాంగులు, వృద్ధులు మహిళలకు ఉచిత రవాణా వంటి పలు హామీలు ఈ మేనిఫెస్టోలో రూపొందించారు.
కాంగ్రెస్ పార్టీ గ్రేటర్ ఎన్నికల మేనిఫెస్టోలో అంశాలు
- వరదల నివారణకు అత్యున్నత విధానం
- కరోనా చికిత్సను ఆరోగ్యశ్రీలో చేరుస్తాం
- విద్యార్థులు, మహిళలకు మెట్రో, ఎంఎంటీఎస్‌, ఆర్టీసీలో ఉచిత ప్రయాణం
- దివ్యాంగులు, వృద్ధులకు మెట్రో, ఎంఎంటీఎస్‌, ఆర్టీసీలో ఉచిత ప్రయాణం
- ప్రైవేటు విద్యాసంస్థల ఫీజుల నియంత్రణకు చర్యలు
- అర్హత కలిగిన వారందరికీ రెండు పడక గదుల ఇళ్లు నిర్మించి ఇస్తాం
- సొంత జాగా ఉండి ఇల్లు కట్టుకునే వారికి రూ.8 లక్షల ఆర్థిక సాయం
- 100 యూనిట్ల లోపు వినియోగించుకునే వారికి ఉచిత విద్యుత్
- సింగిల్ బెడ్‌రూమ్ ఇల్లు అదనపు గది నిర్మాణానికి రూ.4 లక్షల సాయం
- నాయీబ్రాహ్మణులు, విశ్వబ్రాహ్మణులు, రజకుల దుకాణాలకు ఉచిత విద్యుత్
- 30 వేల లీటర్ల వరకు నల్లా నీళ్లు వాడుకునే వారికి ఉచితంగా నీటి సరఫరా
- ఉచిత ఎల్‌ఆర్ఎస్, బీఆర్ఎస్ అమలు చేస్తాం
- ధరణి పోర్టల్ రద్దుకు కృషి చేస్తాం
- మురికివాడల అభివృద్ధి అథారిటీ ఏర్పాటు చేస్తాం
- సఫాయి కర్మచారీలు, వారి కుటుంబాలకు రూ.20 లక్షల బీమా సదుపాయం
- కేబుల్ టీవీ ఆపరేటర్లకు స్తంభాల ఫీజు మాఫీ
- వీధివ్యాపారులకు ఆరోగ్య, ప్రమాద బీమా
- కొవిడ్ వల్ల దెబ్బతిన్న రంగాలకు నిరుద్యోగ అలవెన్సులు
- అన్నపూర్ణ క్యాంటీన్ల సంఖ్య పెంచుతాం
- సింగిల్ స్క్రీన్ సినిమా హాళ్లకు పన్ను తగ్గింపు
- మాల్స్, మల్టీప్లెక్సుల్లో సినిమా టికెట్ల ధరల నియంత్రణ
- షాపింగ్‌మాల్స్, మల్టీప్లెక్సుల్లోని పార్కింగ్‌ను జీహెచ్ఎంసీ పరిధిలోకి తెస్తాం
- యోగా, జిమ్ సౌకర్యాలతో సహా వృద్ధాశ్రమాలు ఏర్పాటు
- అన్ని కాలనీల్లో సీసీకెమెరాలు ఏర్పాటు
- షీ బృందాలను పెంచి మహిళా భద్రతకు పటిష్ఠ చర్యలు
- రాత్రి 10 గంటలకే బార్‌లు, మద్యం దుకాణాలు మూసివేత
- జీహెచ్ఎంసీలో అవినీతిని అరికట్టేందుకు లోక్‌పాల్ వ్యవస్థ అమలుచేస్తాం
- జీహెచ్ఎంసీని ప్రజలకు జవాబుదారీగా మారుస్తాం
- ఔటర్‌ రింగ్‌రోడ్ వెలుపల బహుళ అంతస్తుల టవర్లకు అనుమతులు
- హోర్డింగ్‌లపై గుత్తాధిపత్యం తొలగింపునకు జీవో 68ను రద్దు చేస్తాం
