నెహ్రూ కీర్తిని తగ్గించేందుకు భాజపా కుట్ర: ఉత్తమ్

హైదరాబాద్​ గాంధీభవన్​లో జవహర్​లాల్​ నెహ్రూ జయంతి వేడుకలు ఘనంగా నిర్వహించారు. ఈ కార్యక్రమంలో టీపీసీసీ అధ్యక్షుడు ఉత్తమ్​కుమార్​రెడ్డి, అంజన్ కుమార్ యాదవ్, వి.హన్మంతరావు తదితరులు పాల్గొని నెహ్రూ చిత్రపటానికి నివాళులర్పించారు. అనంతరం... రాష్ట్ర ప్రజలందరికీ కాంగ్రెస్ పార్టీ తరఫున దీపావళి శుభాకాంక్షలు తెలిపారు.

మాజీ ప్రధాని జవహర్​లాల్ నెహ్రూ జయంతి వేడుకలు హైదరాబాద్​ గాంధీభవన్​లో ఘనంగా నిర్వహించారు. టీపీసీసీ అధ్యక్షుడు ఉత్తమ్​కుమార్​రెడ్డి, అంజన్ కుమార్ యాదవ్, వి.హన్మంతరావు తదితరులు... నెహ్రూ చిత్రపటానికి పూలమాలలు వేసి నివాళులర్పించారు. దేశ ప్రజలు ఈ స్థాయిలో బతుకుతున్నారంటే నెహ్రూ చేసిన కృషి వల్లేనని టీపీసీసీ చీఫ్ ఉత్తమ్ కుమార్ రెడ్డి వివరించారు.

నెహ్రూ కీర్తిని తగ్గించి.. అప్రతిష్ఠ పాలు చేసేందుకు నరేంద్రమోదీ ప్రభుత్వం కుట్రలు చేస్తోందని మండిపడ్డారు. ఎవరు ఎన్ని కుట్రలు పన్నినా.... నెహ్రూ ముద్రను చేరపలేరన్నారు. ఈ సందర్భంగా రాష్ట్ర ప్రజలందరికీ కాంగ్రెస్ పార్టీ తరఫున దీపావళి శుభాకాంక్షలు తెలిపారు.

ఇదీ చూడండి: వ్యవసాయేతర భూముల రిజిస్ట్రేషన్లపై రేపు సీఎం కేసీఆర్ సమీక్ష