టోలిచౌకిలోని ముంపు ప్రాంతాలను పరిశీలించిన కలెక్టర్ శ్వేతా మహంతి

హైదరాబాద్​లో కురిసిన కుండపోత వర్షానికి నగర జనజీవనం అస్తవ్యస్థమైంది. లోతట్టు ప్రాంత ప్రజలు తీవ్ర ఇబ్బందులు ఎదుర్కొంటున్నారు. టోలిచౌకిలోని వరద ప్రభావిత ప్రాంతాలను కలెక్టర్​ శ్వేతా మహంతి పరిశీలించి... సమస్యలు తెలుసుకున్నారు.

హైదరాబాద్​లోని టోలిచౌకిలోని వరద ప్రభావిత ప్రాంతాలను కలెక్టర్ శ్వేతా మహంతి పరిశీలించారు. కలెక్టర్​తో పాటు డీఎస్పీ శ్రీనివాస్​, ఎమ్మెల్యే కౌసర్ మోయినుద్దీన్ ముంపు ప్రాంతాల్లో పర్యటించారు.

బస్తీల్లోని ప్రజలతో మాట్లాడి సమస్యలను కలెక్టర్​ తెలుసుకున్నారు. సమస్యలను వీలైనంత త్వరగా పరిష్కరించాలని సంబంధిత అధికారులకు సూచించారు. ఎప్పటికప్పుడు ప్రజలకు అందుబాటులో ఉండాలని అధికారులను కలెక్టర్ ఆదేశించారు.

ఇదీ చూడండి: రాష్ట్రవ్యాప్తంగా భారీ వర్షాలు... జనజీవనం అస్తవ్యస్థం