CM KCR Birthday Wishes: సీఎం కేసీఆర్ పుట్టిన రోజును పురస్కరించుకుని రాష్ట్రంలో ఎమ్మెల్యేలు, ఎంపీలు, తెరాస నేతలు, అభిమానులు రకరకాల కార్యక్రమాలు చేపట్టారు. ఆస్పత్రుల్లో అన్నదానాలు, పండ్ల పంపిణీతో పాటు అభిమానులు రక్తదానాలు చేస్తున్నారు. వినూత్న కార్యక్రమాలు చేస్తూ.. కేసీఆర్పై తమకున్న అభిమానాన్ని నేతలు చాటుకుంటున్నారు. ప్రత్యేకంగా శుభాకాంక్షలు తెలియజేస్తూ.. కేసీఆర్ దృష్టిలో పడేందుకు ప్రయత్నిస్తున్నారు.
అదే క్రమంలో.. సిద్దిపేటకు చెందిన వంగ రాజేశ్వర్రెడ్డి సీఎం కేసీఆర్ పుట్టినరోజు శుభాకాంక్షలు వినూత్నంగా తెలియజేశారు. కేసీఆర్ జన్మదినం సందర్భంగా పద్మశ్రీ సుదర్శన్ పట్నాయక్ ఒడిశాలోని పూరీ బీచ్లో భారీ సైకత శిల్పాన్ని రూపొందించారు. బీచ్లోని ఇసుకతో ఆయన చిత్రాన్ని అందంగా తీర్చిదిద్ది శుభాకాంక్షలు తెలియజేశారు. ఈ కళాకృతి సందర్శకులను విశిష్టంగా ఆకట్టుకుంటోంది. పోరాట యోధుడు, పరిపాలకుడు, దూరదృష్టి గల నేతకు జన్మదిన శుభాకాంక్షలు అంటూ.. కేసీఆర్ సైకత శిల్పాన్ని తీర్చిదిద్దారు. సిద్దిపేటకు చెందిన వంగ రాజేశ్వర్రెడ్డి సమన్వయంతో సుదర్శన్ పట్నాయక్ దీన్ని రూపొదించారు.
ఇదీ చూడండి:
