ఏపీలో కొవిడ్ పరీక్షలు, క్వారంటైన్ సదుపాయాల కోసం రోజుకు రూ.6.5 కోట్లు ఖర్చు చేస్తున్నట్లు సీఎం జగన్ తెలిపారు. కరోనా వ్యాప్తి నిరోధక చర్యలపై ఆయన అధికారులతో సమీక్షించారు. వైరస్ బాధితులకు చికిత్స కోసం అదనంగా మరో 54 ఆస్పత్రులు అందుబాటులోకి తెస్తామన్న సీఎం.. మొత్తంగా 138 ఆస్పత్రుల్లో కరోనా చికిత్సలు అందించాలని ఆదేశించారు. క్రిటికల్ కేర్ కోసం రాష్ట్ర స్థాయిలో అదనంగా 5 ఆస్పత్రులు అందుబాటులోకి తెచ్చి.. అదనంగా 2,380 పడకలు సిద్ధం చేయాలని సూచించారు.
వచ్చే ఆరు నెలల్లో వైరస్ బాధితులకు చికిత్స అందించేందుకు అదనంగా వెయ్యి కోట్ల రూపాయలతో మందులు కొనుగోలు చేయనున్నట్లు సీఎం జగన్ వెల్లడించారు. ఆస్పత్రుల్లో పూర్తి స్థాయిలో మౌలిక సదుపాయాల కల్పన, పారామెడికల్ సిబ్బంది, వైద్యుల నియామకానికి చర్యలు చేపడతామని స్పష్టం చేశారు.
ఇవీచూడండి: ప్లాస్మా ఇచ్చేందుకు దాతలు ముందుకు రావాలి: సజ్జనార్