ఐదేళ్ల క్రితం ప్రజలు తెరాసను నమ్మి గెలిపిస్తే... ఎలాంటి అభివృద్ధి చేయలేదని కేంద్రమంత్రి కిషన్ రెడ్డి విమర్శించారు. జీహెచ్ఎంసీ ప్రచారంలో భాగంగా మల్కాజిగిరి పరిధిలోని పలు డివిజన్లలో రోడ్ షో నిర్వహించారు. రెండు పడకల గదుల ఇళ్లు హామీ ఇంతవరకు నెరవేరలేదని, కనీసం రోడ్లు కూడా వేయలేదన్నారు.
ప్రస్తుతం జరిగే ఎన్నికల్లో ప్రజలు ఆలోచించి ఓటేయాలని కిషన్ రెడ్డి కోరారు. ఏ ఒక్క హామీని నెరవేర్చని తెరాసకు మరోసారి ఓటేయవద్దని సూచించారు. వరద బాధితులు కష్టాల్లో ఉన్నా పట్టించుకోలేదని ఆవేదన వ్యక్తం చేశారు. దుబ్బాక ప్రజల్లాగే జీహెచ్ఎంసీలో తెరాసకు బుద్ది చెప్పాలని పేర్కొన్నారు. భాజపా అభ్యర్థులను అత్యధిక మెజార్టీతో గెలిపించాలని విజ్ఞప్తి చేశారు.
ఇదీ చూడండి: కశ్మీర్లో 'స్థానిక' పోరు- కార్యక్షేత్రంలోకి కాషాయదళం
