హైదరాబాద్లోని సీసీఎంబీ కేంద్రం తెలంగాణలోని అన్ని జిల్లాల నుంచి వచ్చిన నమూనాలను పరీక్షిస్తోంది. రోజుకు 350 పరీక్షలు నిర్వహిస్తోంది. నిమ్స్, ఐపీఎం, హైదరాబాద్ ఫీవర్ ఆస్పత్రి, వరంగల్ కాకతీయ మెడికల్ కాలేజీలకు చెందిన 25 మంది వైద్యులు, టెక్నికల్ సిబ్బంది, విద్యార్థులకు శిక్షణ ఇచ్చింది. ఇప్పుడు వీరంతా తమ ఆస్పత్రుల్లోనే పరీక్షలు నిర్వహించగలుగుతున్నారు.
జన్యు పరిణామక్రమంపై..
ఆర్టీ-పీసీఆర్లో రోగి నమూనాలను ఎలా పరీక్షించాలో చెబుతూ వీడియో పాఠాలను సీసీఎంబీ అందిస్తోంది. ఈ వైరస్కు సంబంధించిన మొత్తం జన్యు పరిణామక్రమ పటాన్ని రూపొందించడానికి భవిష్యత్ తరం పరిణామక్రమంపై విశ్లేషణ మొదలుపెట్టింది. ఇందు కోసం వైరస్ ప్రభావం అత్యధికంగా ఉన్న రోగుల నమూనాలను సీసీఎంబీ సేకరించింది. ఇప్పటికే ఈ సంస్థ కొంతమంది రోగుల నుంచి సేకరించిన వైరస్ను ఐసోలేట్ చేసింది. వచ్చే మూడు నాలుగు వారాల్లో పరిణామక్రమాన్ని గుర్తించాలని లక్ష్యంగా పెట్టుకున్నారు.
వైరస్ కల్చర్పైనా..
ప్రస్తుతం అందుబాటులో ఉన్న ఔషధాలను కొత్త వైద్య అవసరాల కోసం పరీక్షించడానికి వైరస్ కల్చర్ అందుబాటులో లేకపోవడం పరిశోధకులకు ఇబ్బందిగా మారిన విషయాన్ని సీసీఎంబీ గుర్తించింది. అందుకే సీఎస్ఐఆర్- సీసీఎంబీ వైరస్ కల్చర్పై పరిశోధనలకు ఒక వ్యవస్థను ఏర్పాటు చేసింది. ఇందులో వైరస్లను వృద్ధిచేసి వాటి కల్చర్ను పరీక్షిస్తారు. త్వరలో ఈ కొత్త వ్యవస్థ అందుబాటులోకి రానుంది.
ఇవీచూడండి: కరోనా: రెడ్‌, ఆరెంజ్‌, గ్రీన్‌ జోన్లు అంటే ఏమిటీ..?
