హైదరాబాద్ను ఊటీ చేయాలనే ఆలోచన తమ పార్టీకి లేదని భాజపా రాష్ట్ర అధ్యక్షుడు లక్ష్మణ్ తేల్చిచెప్పారు. ఇప్పటివరకు పార్టీలో అటువంటి ప్రస్తావన రాలేదన్నారు. రాష్ట్రంలో నియోజకవర్గాల సంఖ్య పెరిగితే బాగుంటుందని అభిప్రాయపడ్డారు. 52 శాతం పోలింగ్ బూత్ కమిటీల నియామకం పూర్తయిందని లక్ష్మణ్ వెల్లడించారు. డిసెంబర్లో జాతీయ, రాష్ట్ర స్థాయిలో పార్టీ కమిటీల నియామకాలు పూర్తవుతాయన్నారు. పార్టీ తనకు ఏబాధ్యత అప్పగించినా చేసేందుకు సిద్ధంగా ఉన్నానని తెలిపారు.
తెరాసకే అనుకూలం...
మున్సిపల్ ఎన్నికలకు తాము సిద్ధంగా ఉన్నామని.. ఈసారి అన్ని వార్డుల్లోనూ పోటీచేస్తామని ప్రకటించారు. పురపాలక ఎన్నికలు అధికార పార్టీకే అనుకూలమన్న లక్ష్మణ్.. జీహెచ్ఎంసీ ఎన్నికలు తమకు సెమీఫైనల్ అన్నారు. రాష్ట్రంలో క్రమంగా కేసీఆర్ గ్రాఫ్ తగ్గి.. మోదీ ఇమేజ్ పెరుగుతోందన్నారు.
ఆర్టీసీపై ఐఓసీకి ఫిర్యాదు
ఆర్టీసీలో ప్రభుత్వ జోక్యం ఎక్కువయ్యే సంస్థ నష్టాల బాటపట్టిందని లక్ష్మణ్ ఆరోపించారు. సంస్థ స్థలాల్లో పెట్రోల్ బంకుల ఏర్పాటుపై ఐఓసీకి ఫిర్యాదు చేయనున్నట్లు వెల్లడించారు. భాజపా ప్రైవేటీకరణకు వ్యతిరేకం కాదని.. దానివల్ల వ్యక్తులకు కాకుండా సంస్థకు లాభాలు రావాలన్నారు. కేసీఆర్ రెండోసారి అధికారంలోకి వచ్చాక పథకాలన్నీ నత్తసడకన సాగుతున్నాయని విమర్శించారు. అప్పులు, విషజ్వరాలు, ఆత్మహత్యలు పెరిగిపోయాయని అన్నారు.
ప్రాంతీయ పార్టీలు సెంటిమెంట్, ఎమోషన్స్ అజెండాగా పనిచేయడం వల్లనే రాష్ట్రాల్లో జాతీయ పార్టీలకు స్పెస్ లేకుండా పోతుందని లక్ష్మణ్ అభిప్రాయపడ్డారు.
ఇవీచూడండి:
