భాజపా గూటికి ఆర్యవైశ్య మహాసభ నాయకులు

ప్రధాని మోదీ నిర్ణయాలు, సంస్కరణలకు ఆకర్షితులై భాజపాలో చేరుతున్నట్లు కాంగ్రెస్​ నేత, ఆర్యవైశ్య మహాసభ నాయకుడు మొగుళ్లపల్లి ఉపేందర్​ తెలిపారు. వేలాది మంది కార్యకర్తలతో నాంపల్లి ఎగ్జిబిషన్​ మైదానంలోని బహిరంగ సభకు చేరుకున్నారు.

ప్రధాని మోదీ సంస్కరణలకు ఆకర్షితులమై.. భాజపాలో చేరేందుకు నిర్ణయించుకున్నామని కాంగ్రెస్​ సీనియర్​ నేత, ఆర్యవైశ్య మహాసభ నాయకుడు మొగుళ్లపల్లి ఉపేందర్​ వెల్లడించారు. చైతన్యపురి నుంచి నాంపల్లి ఎగ్జిబిషన్​ మైదానంలోని భాజపా సభకు అనుచరులతో ర్యాలీగా వెళ్లారు. నోట్ల రద్దు, సర్జికల్​ స్టైక్స్​, ట్రిపుల్​ తలాక్​, అగ్రవర్ణాలకు రిజర్వేషన్లు, 370 ఆర్టికల్​ రద్దు వంటివి దేశంలో పెనుమార్పులు తీసుకొచ్చాయన్నారు. భాజపా కార్యనిర్వాహక అధ్యక్షులు జేపీ నడ్డా, కేంద్ర హోంశాఖ సహాయ మంత్రి కిషన్​రెడ్డి, రాష్ట్ర అధ్యక్షులు కె. లక్ష్మణ్​, రాజ్యసభ సభ్యులు గరికపాటి మోహనరావు సమక్షంలో భాజపాలో చేరుతున్నట్లు తెలిపారు.

ఇవీ చూడండి: భాజపా బహిరంగ సభకు భారీ ఏర్పాట్లు