Minister Suresh on Schools: ఏపీలో విద్యాసంస్థల సెలవుల పొడిగింపు ఆలోచన లేదని ఆ రాష్ట్ర విద్యాశాఖ మంత్రి ఆదిమూలపు సురేశ్ స్పష్టం చేశారు. గుంటూరు జిల్లా కాకుమానులోని జిల్లా పరిషత్‌ ఉన్నత పాఠశాల 75 వసంతాలు పూర్తి చేసుకున్న సందర్భంగా ఏర్పాటు చేసిన కార్యక్రమంలో మంత్రి పాల్గొన్నారు. ఈ సందర్భంగా మీడియా ప్రతినిధులు అడిగిన ప్రశ్నకు స్పందిస్తూ.. ఇప్పటికైతే పొడిగింపు అలాంటి ఆలోచన లేదన్నారు.
తెలంగాణలో ఈనెల 30 వరకు సెలవులు
holidays for schools in telangana: కేసులు పెరుగుతున్న దృష్ట్యా విద్యాసంస్థలకు సెలవులు పొడిగించాలని తెలంగాణ ప్రభుత్వం ఆదివారం నిర్ణయించింది. రాష్ట్ర ప్రభుత్వం ఈ నెల 8వ తేదీ నుంచి ప్రకటించిన సంక్రాంతి సెలవులు నేటితో ముగియనున్నాయి. అయితే రాష్ట్రంలో కొవిడ్ కేసులు క్రమంగా పెరుగుతున్న నేపథ్యంలో సెలవులు పొడిగించాలని విద్యాశాఖకు వైద్యారోగ్య శాఖ సిఫార్సు చేసింది. ఈ నేపథ్యంలో ఆరోగ్య శాఖ సిఫార్సు మేరకు ఈ నెల 30 వరకు సెలవులు పొడిగిస్తూ ఆ రాష్ట్ర ప్రభుత్వ ప్రధాన కార్యదర్శి (సీఎస్‌) సోమేశ్‌కుమార్‌ ఉత్తర్వులు జారీ చేశారు.
దేశంలో కరోనా ఉద్ధృతి..
Corona cases in India: మరోవైపు భారత్లో రోజువారీ కరోనా కేసుల సంఖ్య క్రితం రోజుతో పోలిస్తే స్వల్పంగా పెరిగాయి. శనివారం ఉదయం నుంచి ఆదివారం ఉదయం వరకు. కొత్తగా.. 2,71,202 కేసులు నమోదయ్యాయి. వైరస్తో మరో 314 మంది మరణించారు. 1,38,331 మంది వైరస్ నుంచి కోలుకున్నారు.
- మొత్తం కేసులు: 37,122,164
- మొత్తం మరణాలు: 4,86,066
- యాక్టివ్ కేసులు: 15,50,377
- మొత్తం కోలుకున్నవారు: 3,50,85721
ఇదీ చదవండి
