Minor Raped in ChandrayanGutta : హైదరాబాద్‌లో మరో దారుణ ఘటన వెలుగులోకి వచ్చింది. 80 ఏళ్ల వృద్ధుడు 11 ఏళ్ల బాలికపై అత్యాచారానికి తెగబడ్డాడు. వృద్ధుడితో వివాహేతర సంబంధం సాగిస్తున్న మహిళకి మనవరాలే ఈ బాధితురాలు కావడం గమనార్హం.
పాతబస్తీకి చెందిన బషీర్‌(80) ఓ వృద్ధురాలితో వివాహేతర సంబంధాన్ని కొనసాగిస్తున్నాడు. ఈ క్రమంలోనే ఆమె మనవరాలిపై బషీర్‌ కన్నేసి.. అత్యాచారం చేశాడు. బాలిక ప్రవర్తనలో తేడా గమనించిన బాలిక అమ్మమ్మ బషీర్‌ను నిలదీయగా.. తనకేమీ తెలియదంటూ బుకాయించాడు.
బాలికను ఆస్పత్రికి తీసుకెళ్లగా అసలు విషయం బయటపడింది. వృద్ధుడు తనపై అత్యాచారానికి పాల్పడ్డాడని అమ్మమ్మకు, డాక్టర్లకు బాలిక చెప్పింది. దీంతో బాలిక అమ్మమ్మ అఫ్జల్‌గంజ్‌ పీఎస్‌లో ఫిర్యాదు చేశారు. అయితే బాలిక నివసించే ప్రాంతం ఛత్రినాక పీఎస్‌ పరిధిలోకి వస్తుండటంతో కేసును అక్కడికి బదిలీ చేశారు. నిందితుడు బషీర్‌ను పోలీసులు అరెస్ట్ చేసి రిమాండ్‌కు తరలించారు.
ఇదీ చూడండి: Woman suicide with daughter: కుమార్తెతో సహా వరద కాల్వలో దూకి తల్లి ఆత్మహత్య
