మందేశాడు.. పోలీసులపైకే కత్తి దూశాడు!

విశాఖలో ఓ వ్యక్తి హల్​చల్​ చేశాడు. మద్యం మత్తులో కానిస్టేబుల్​, హోంగార్డులపై హత్యాయత్నం చేశాడు.

ఏపీలోని విశాఖ జిల్లా సిరిపురం జంక్షన్​లో గుర్రం సాయి అనే వ్యక్తి వీరంగం చేశాడు. మద్యం మత్తులో విశాఖ మూడో పట్టణ పోలీసు స్టేషన్​కు చెందిన కానిస్టేబుల్‌ సురేష్‌, హోంగార్డు కుమార్‌పై హత్యాయత్నం చేశాడు.

ఏం జరిగిందంటే..
సాయికి చెందిన గుర్రం బండిని పక్కకు జరపాలని సెక్యూరిటీ సిబ్బంది తెలిపారు. ఆ మాటలను పట్టించుకోని సాయి వివాదానికి దిగాడు. అప్పటికే మద్యం మత్తులో ఉన్న సాయి... కత్తి పట్టుకుని సెక్యూరిటీ గార్డులను వెంబడించి గాయపరిచాడు. ఈ ఘటన సోమవారం రాత్రి 8.30 గంటలకు జరిగింది. విషయం తెలుసుకున్న పోలీసులు నిందితుడు సాయిని అదుపులోకి తీసుకున్నారు.

ఇవీ చదవండి