మంత్రివర్గంలోకి మహిళలు

మంత్రి వర్గ విస్తరణలో ఇద్దరు మహిళలకు చోటు కల్పిస్తామని శాసనసభ వేదికగా సీఎం కేసీఆర్ ప్రకటించారు.

రాష్ట్ర మంత్రివర్గంలో మహిళలకు అవకాశంలేదనే విమర్శలకు ముఖ్యమంత్రి కేసీఆర్ చెక్​ పెట్టారు. తెరాస మహిళ ఎమ్మెల్యేలకు సీఎం శుభవార్త చెప్పారు. అసెంబ్లీ వేదికగా మంత్రివర్గంలో ఇద్దరు అతివలకు అవకాశం కల్పిస్తామని స్పష్టం చేశారు. ఓటాన్​ అకౌంట్​ బడ్జెట్​ చర్చ సందర్భంగా మాట్లాడుతూ గత ఎన్నికల్లో తెరాసకు అతివలే అధికంగా ఓట్లు వేశారని... వారి పట్ల గౌరవం ఉందని కేసీఆర్ తెలిపారు.