వర్క్​ ఫ్రమ్​ హోమ్ చేస్తున్నారా?​ ఆ Mi-Fi ప్లాన్స్​తో సూపర్ ఫాస్ట్ ఇంటర్నెట్​ గ్యారెంటీ!

Vi MiFi Wifi Plans : మీరు వర్క్ ఫ్రమ్ హోమ్ చేస్తున్నారా? సూపర్ స్పీడ్ ఇంటర్నెట్ కావాలా? ధర మాత్రం తక్కువగా ఉండాలా? అయితే ఇది మీ కోసమే. వొడాఫోన్​-ఐడియా మైఫై (Vi MiFi) పేరుతో వైఫై డివైజ్​ను అందిస్తోంది. దీనికి రూ.399 లేదా రూ.499 ప్లాన్​ యాడ్​ చేసుకుంటే, సూపర్ స్పీడ్ ఇంటర్నెట్​ ఫెసిలిటీ లభిస్తుంది. పూర్తి వివరాలు మీ కోసం.

Vi MiFi Wifi Plans : వర్క్​ ఫ్రమ్​ హోమ్​ చేస్తున్న వారికి అతి తక్కువ ధరతో కూడిన వైఫై ప్లాన్స్​ను అందిస్తోంది ప్రముఖ టెలికాం సంస్థ వొడాఫోన్​-ఐడియా(Vi). వీఐ మైఫై(Vi MiFi) పేరుతో ఓ డివైజ్​ను కూడా అందిస్తోంది. దీనితో మీకు సూపర్ ఫాస్ట్ ఇంటర్నెట్​ సౌకర్యం లభిస్తుంది.

మైఫై డివైజ్​

దేశంలోనే మూడో అతిపెద్ద టెలికాం ఆపరేటర్​గా కొనసాగుతున్న వొడాఫోన్-ఐడియా Vi MiFi పేరుతో ఓ చక్కటి​ Wi-Fi డివైజ్​ను మార్కెట్లోకి తెచ్చింది. ఇది పోర్టబుల్ వైఫై రూటర్​లా పనిచేస్తుంది. దీనితో ఒకేసారి అనేక డివైజ్​లకు కనెక్ట్​ కావచ్చు. అంతేకాదు దీనితో మీ స్మార్ట్​ఫోన్​ను సులువుగా హాట్​స్పాట్​లా మార్చుకోవచ్చు. మీ ఫోన్​ బ్యాటరీని వాడకుండా ఓ నిర్దష్టమైన వేగాన్ని అందించే ఈ డివైజ్ ఇంటి వద్దనే ఉంటూ పనిచేసే ఉద్యోగులకు ఎంతగానో ఉపయోగపడుతుంది. Vi MiFi డివైజ్​ దేశవ్యాప్తంగా ఉన్న అన్ని ఆన్​లైన్​ ప్లాట్​ఫామ్​లతో పాటు, వొడాఫోన్​ ఐడియా రిటైల్​ అవుట్​లెట్లలో కూడా అందుబాటులో ఉంటుంది.

Vi MiFi డివైజ్ ప్లాన్​ల వివరాలు ​
Vi MiFi Plans and Features :

• రూ.399- ప్రతినెల 50GB డేటా
• రూ.499- ప్రతినెల 90GB డేటా
• రెండు ప్లాన్స్​ ద్వారా మొత్తం 200GB వరకు డేటా రోల్‌ఓవర్‌ను పొందవచ్చు
• ప్లాన్​ లిమిట్​ కంటే ఎక్కువ GB లేదా డేటా వాడితే, ఒక్కో జీబీకి అదనంగా రూ.20 చెల్లించాల్సి ఉంటుంది.

Vi MiFi ఫీచర్స్

• ఒకేసారి 10 డివైజ్​లను కనెక్ట్​ చేసుకోవచ్చు
• 6 గంటల బ్యాటరీ లైఫ్​. అయితే ఈ బ్యాటరీ లైఫ్ అనేది మీ వాడకంపైనా ఆధారపడి ఉంటుంది.
• 150 Mbps సూపర్​ ఫాస్ట్​ స్పీడ్​తో ఇంటర్నెట్​ ఫెసిలిటీ

ఈ నెలవారీ ప్లాన్స్​ మాత్రమే కాకుండా, మరో రెండు రకాల డేటా ప్యాక్స్​ కూడా ఉన్నాయి. అవి:

• రూ.100 ప్లాన్​ - 20 GB డేటా
• రూ.200 ప్లాన్​ - 50 GB డేటా

నోట్​ : ఈ Vi MiFi రూటర్​ కావాలంటే రూ.2000ను చెల్లించాల్సి ఉంటుంది.

ఓటీటీ లవర్స్ కోసం స్పెషల్ ప్లాన్​
వొడాఫోన్ ఐడియా ఓటీటీ లవర్స్​ కోసం ప్రత్యేకంగా రూ.202 ప్లాన్​ను ప్రవేశపెట్టింది. ఈ ప్లాన్ ద్వారా వినియోగదారులు 13+ ఓటీటీ ఛానల్స్ చూడవచ్చు. వీఐ కస్టమర్లకు మాత్రమే ఈ ప్లాన్ ప్రయోజనాలు అందుతాయి. ఈ ప్లాన్​ ద్వారా సర్వీస్ వ్యాలిడిటీ, వాయిస్ కాలింగ్, డేటా లాంటివి లభించవు. ఈ ప్లాన్ వ్యాలిడిటీ కేవలం ఒక నెల మాత్రమే.

మొబైల్ యాప్​లో వీఐ 'వీ మూవీస్ అండ్ టీవీ ప్రో' సబ్​స్క్రిప్షన్ నెలపాటు ఉంటుంది. ఎలాంటి అదనపు ఖర్చులు లేకుండా 13 ఓటీటీ ఛానల్స్ కంటెంట్​ను అస్వాదించవచ్చు. ఈ రూ.202 ప్లాన్ కొనుగోలు చేసిన వినియోగదారులు సోనీలివ్, జీ5, డిస్నీ ప్లస్ హాట్​స్టార్, సన్​NXT, హంగామా లాంటి 13 ఓటీటీ ఛానల్స్ కంటెంట్​ను చూడవచ్చు.