టాటా మోటార్స్​ ఇయర్​ ఎండ్​ ఆఫర్స్ - ఆ కార్లపై భారీ తగ్గింపు! రూ.1.25లక్షల ఆదా!

Tata Motors Year End Offers 2023 : కార్ల తయారీ సంస్థ టాటా మోటార్స్ బంపర్ ఆఫర్ ప్రకటించింది. ఇతర ఆటోమొబైల్​ సంస్థల్లానే.. ఇయర్​ ఎండ్​ డిస్కౌంట్లను అనౌన్స్ చేసింది. పలు వాహనాలపై రూ.1.25లక్షల వరకు బెనిఫిట్స్​అందిస్తోంది..!

Tata Motors Year End Offers 2023 in Telugu: ఇయర్​ ఎండ్​కు వచ్చేశాం. ఈ క్రమంలో తమ సేల్స్ పెంచుకోవడానికి పలు ఆటోమొబైల్ కంపెనీలు సన్నద్ధమవుతున్నాయి. తమ వాహనాలపై అదిరిపోయే ఆఫర్స్, ఊరించే డిస్కౌంట్స్ ప్రకటిస్తున్నాయి. తాజాగా.. ఈ లిస్టులోకి దేశీయ కార్ల తయారీ దిగ్గజ సంస్థ టాటా మోటార్స్ చేరింది. తన పోర్ట్‌ఫోలియోలోని ఎంపిక చేసిన కార్లపై భారీ డిస్కౌంట్స్‌ ప్రకటించింది. ఇయర్ ఎండ్​ డిస్కౌంట్​లో భాగంగా టాటా కార్లపై ఏకంగా రూ.1.25 లక్షల వరకు ఆదా చేసుకునే ఛాన్స్ లభించింది. మరి ఆ వివరాలు ఇప్పుడు చూద్దాం..

ఈ టాటా వాహనాలపై భారీ డిస్కౌంట్లు..

Tata Altroz: టాటా ఆల్ట్రోజ్​ డీజిల్​ వేరియంట్​పై రూ.20వేల వరకు కన్జ్యూమర్​ డిస్కౌంట్​, రూ.10వేల వరకు ఎక్స్​ఛేంజ్​ ఆఫర్ లభిస్తోంది. ఇక ఆల్ట్రోజ్​ సీఎన్​జీ మోడల్​పై రూ.10వేల ఎక్స్​ఛేంజ్​ ఆఫర్​, ఆల్ట్రోజ్​ పెట్రోల్​ ఎంటీపై రూ.40వేల వరకు డిస్కౌంట్లను అందిస్తోంది. ఆల్ట్రోజ్​ సీఎన్​జీ ఫీచర్ల విషయానికి వస్తే.. ట్విన్ సిలిండర్ సీఎన్జీ టెక్నాలజీతోపాటు వాయిస్ అసిస్టెడ్ ఎలక్ట్రిక్ సన్‌రూఫ్, వైర్లెస్ చార్జర్, ఎయిర్ ప్యూరిఫయర్ వంటి లేటెస్ట్ అడ్వాన్స్‌డ్ టెక్నాలజీ ఎలిమెంట్స్ ఎన్నో ఈ కారుకి అదనపు హంగులు కానున్నాయి.

Tata Harrier : టాటా హారియర్​ ఎంటీ-ఏటీ (నాన్​ అడాస్​) మోడల్స్​పై రూ.50వేల కన్జ్యూమర్​ డిస్కౌంట్​, రూ.25వేల ఎక్స్​ఛేంజ్​ ఆఫర్​ ఇస్తోంది సంస్థ. మరోవైపు టాటా హారియర్​ ఏటీ అడాస్​ వేరియంట్​పై రూ. 75వేల కన్జ్యూమర్​ డిస్కౌంట్​, రూ. 50వేల వరకు ఎక్స్​ఛేంజ్​ బెనిఫిట్స్​ను అందిస్తోంది. ఈ మొత్తం కలుపుకుంటే.. ఈ డిసెంబర్​లో టాటా హారియర్​పై రూ.1.25లక్షల వరకు తగ్గింపు పొందొచ్చు!

Tata Punch: టాటా మోటార్స్​కు చెందిన బెస్ట్​ సెల్లింగ్​ వాహనాల్లో టాటా పంచ్​ ఒకటి. ఇంతకాలం.. ఈ మోడల్​పై ఎలాంటి తగ్గింపునూ ఇవ్వలేదు. ఇప్పుడు తొలిసారిగా టాటా పంచ్​పై రూ.10వేల ఎక్స్​ఛేంజ్​ ఆఫర్​ను సంస్థ ప్రకటించింది.

Year End Discounts on Tata Cars : మరోవైపు టాటా టియాగో సీఎన్​జీ, టాటా టిగోర్​ సీఎన్​జీ సింగిల్​ సిలిండర్​ వేరియంట్​పై రూ.60వేల కన్జ్యూమర్​ డిస్కౌంట్​తోపాటు రూ.15వేల ఎక్స్​ఛేంజ్​ ఆఫర్​ ఇస్తోంది. టియాగో ఎంటీ పెట్రోల్​ వేరియంట్​పై రూ.55వేల వరకు తగ్గింపు లభిస్తోంది. ఏఎంటీ, సీఎన్​జీ ట్విన్​ సిలిండర్​ మోడల్స్​పై గరిష్ఠంగా రూ.45వేల వరకు బెనిఫిట్స్​ ఉన్నాయి. అదే సమయంలో టాటా టిగోర్​పై రూ.40వేల డిస్కౌంట్​తోపాటు రూ.15వేల ఎక్స్​ఛేంజ్​ ఆఫర్​ పొందొచ్చు. ఇవి.. ఈ నెల చివరి వరకు అమల్లో ఉంటాయి. కాగా.. ఈ డిస్కౌంట్లు లొకేషన్​ బట్టి మారే ఛాన్స్ ఉంది. అందువల్ల.. పూర్తి వివరాల కోసం సమీప షోరూమ్​ను సంప్రదించండి.