Paytm New Train Booking Feature : రైలు ప్రయాణికులను వేధించే సమస్య టికెట్స్ కన్ఫార్మ్ అవుతాయా? లేదా? అని. చాలా సార్లు వెయిటింగ్ లిస్ట్లోనే ఉండి, చివరికి కన్ఫార్మ్ కాకుండా పోతాయి. పండుగల సీజన్లో అయితే.. మరీ దారుణంగా ఉంటుంది. అందుకే ఈ సమస్యను నివారించేందుకు.. ప్రముఖ పేమెంట్ యాప్ పేటీఎం 'గ్యారెంటీడ్ సీట్ అసిస్టెన్స్' ఫీచర్ను అందుబాటులోకి తెచ్చింది. దీనితో మీ ట్రైన్ టికెట్స్ కన్ఫార్మ్ కావడం గ్యారెంటీ అని పేటీఎం చెబుతోంది. మరి అది ఎలాగో ఇప్పుడు తెలుసుకుందామా?
మల్టిపుల్ ఆప్షన్స్!
పేటీఎం గ్యారెంటీడ్ సీట్ అసిస్టెన్స్ ఫీచర్ ద్వారా మీరు బహుళ రైలు ఎంపికల (మల్టిపుల్ ట్రైన్ ఆప్షన్స్)ను ఎంచుకోవచ్చు. దీని వల్ల టికెట్ కన్ఫార్మ్ అవుతుందా? లేదా? అనే సమస్యకు చెక్ పడుతుంది. పెద్ద వెయిటింగ్ లిస్ట్ ఉంటుందనే ఆందోళన కూడా తగ్గుతుంది.
పేటీఎం ప్రకారం, ఈ నయా ఫీచర్ ఉపయోగించి మీరు వివిధ బోర్డింగ్ స్టేషన్ల నుంచి ప్రత్యామ్నాయ (ఆల్టర్నేటివ్) రైలు టికెట్స్ బుకింగ్ చేసుకోవచ్చు. దీని వల్ల మీకు టికెట్ కన్ఫార్మ్ అయ్యే అవకాశం బాగా పెరుగుతుంది.
పేటీఎంలో కన్ఫార్మ్డ్ ట్రైన్ టికెట్ బుక్ చేయండిలా!
How To Book Confirm Train Ticket In Paytm :
- ముందుగా మీరు Paytm యాప్ ఓపెన్ చేయండి.
- మీ గమ్యస్థానానికి వెళ్లే ట్రైన్స్ గురించి సెర్చ్ చేయండి.
- మీరు ఎంచుకున్న ట్రైన్ టికెట్.. వెయిటింగ్ లిస్ట్లో ఉంటే.. ఆల్టర్నేటివ్ స్టేషన్ నుంచి ట్రైన్ టికెట్ బుక్ చేసే ప్రయత్నం చేయవచ్చు.
- ఇందుకోసం.. మీకు సమీపంలో ఉన్న ప్రత్యామ్నాయ స్టేషన్లలో ట్రైన్ టికెట్స్ అందుబాటులో ఉన్నాయో? లేదో? చెక్ చేయండి.
- ఒక వేళ టికెట్స్ అందుబాటులో ఉంటే.. సదరు బోర్డింగ్ స్టేషన్ నుంచి టికెట్స్ బుక్ చేసుకోండి. దీనితో మీ టికెట్ కన్ఫార్మ్ అవుతుంది.
యూపీఐ పేమెంట్స్!
Paytm UPI Payment Facility : రైలు ప్రయాణికులు ఎలాంటి గేట్వే రుసుములు చెల్లించకుండా.. యూపీఐ పేమెంట్స్ చేయవచ్చని పేటీఎం పేర్కొంది. అంతేకాదు. పేటీఎం యాప్లో లైవ్ ట్రైన్ ట్రాకింగ్, పీఎన్ఆర్ స్టేటస్ కూడా తెలుసుకోవచ్చని వివరించింది.
పేటీఎం ట్రావెల్ కార్నివాల్ డిస్కౌంట్స్!
Paytm Travel Carnival Discount Offer : పేటీఎం అక్టోబర్ 27 నుంచి నవంబర్ 5 వరకు ట్రావెల్ కార్నివాల్ సేల్ కింద ఫ్లైట్ బుకింగ్స్పై మంచి డిస్కౌంట్స్ అందిస్తోంది. దేశీయ ప్రయాణాలు చేసేవారికి ఫ్లైట్ టికెట్పై 15 శాతం, విదేశీ ప్రయాణం చేసేవారికి ఫ్లైట్ టికెట్పై 10 శాతం వరకు డిస్కౌంట్ ఇస్తోంది. ఇండిగో, విస్తారా, ఎయిర్ ఇండియా, ఎయిర్ ఇండియా ఎక్స్ప్రెస్, స్పైస్జెట్, స్టార్ ఎయిర్ ఫ్లైట్ టికెట్స్ బుక్ చేసుకున్నవారికి ఈ డిస్కౌంట్స్ లభిస్తాయి.
బ్యాంక్ ఆఫర్స్!
పేటీఎం ద్వారా ట్రావెల్ బుకింగ్స్ చేసేవారికి.. ఐసీఐసీఐ బ్యాంక్, ఇండస్ఇండ్ బ్యాంక్, ఆర్బీఎల్ బ్యాంక్, హెచ్ఎస్బీసీ బ్యాంక్ ఆఫర్లు కూడా అందుబాటులో ఉన్నాయి. విద్యార్థులకు, సీనియర్ సిటిజన్స్కు, సాయుధ దళాల్లో పనిచేసేవారికి స్పెషల్ డిస్కౌంట్స్ ఇస్తోంది పేటీఎం.
ట్రైన్ టికెట్ కన్ఫార్మ్ కాకుంటే.. 3 రెట్లు డబ్బులు వాపస్!
How To Book Confirm Train Ticket In MakeMyTrip : 'మేక్ మై ట్రిప్' వెబ్సైట్ కూడా రైలు ప్రయాణికులకు బంపర్ ఆఫర్స్ అందిస్తోంది. ఈ వెబ్సైట్లో మీకు 100% ట్రైన్ టికెట్ కన్ఫార్మడ్ ఆప్షన్ ఉంటుంది. ఒక వేళ మీకు టికెట్ కన్ఫార్మ్ కాకపోతే.. 3 రెట్లు వరకు డబ్బులు వాపస్ ఇస్తారు. మరి అదెలాగో ఇప్పుడు చూద్దామా?
- ముందుగా మీరు MakeMyTrip యాప్ ఓపెన్ చేయండి.
- మీరు వెళ్లాలని అనుకుంటున్న ట్రైన్ను సెలెక్ట్ చేసుకోవాలి.
- 'బుక్ ట్రైన్ టికెట్స్' ఆప్షన్ను క్లిక్ చేయాలి.
- మీ బోర్డింగ్ పాయింట్ స్టేషన్ - వెళ్లాల్సిన స్టేషన్ వివరాలు సహా ప్రయాణించాల్సిన తేదీని నమోదు చేయాలి.
- వెంటనే అందుబాటులో ఉన్న ట్రైన్స్ అన్నీ కనిపిస్తాయి.
- ఆ ట్రైన్స్లో కొన్నింటికి ట్రిప్ గ్యారెంటీ అనే ట్యాగ్ కనిపిస్తూ ఉంటుంది.
- అలా గ్యారెంటీ ఉన్న టికెట్స్ను బుక్ చేసుకోవాలి. అది ఆర్ఏసీలో ఉన్నా, వెయిటింగ్ లిస్ట్లో ఉన్నా.. ఛార్ట్ ప్రిపేర్ అయ్యే సమయానికి కన్ఫార్మ్ అవుతుంది.
- ఒక వేళ టికెట్ కన్ఫార్మ్ అవ్వకపోతే.. మీరు టికెట్ కోసం ఎంతైతే డబ్బులు చెల్లించారో.. ఆ సొమ్ముపై మూడు రెట్లు వరకు డబ్బులు వాపస్ ఇస్తారు.
దీపావళి ఆఫర్ - హీరో బైక్‌, స్కూటీలపై భారీ తగ్గింపు!
కారు కొనడానికి లోన్‌ కావాలా? తక్కువ వడ్డీకే ఎస్‌బీఐ రుణం! ఈజీ ఈఎంఐ
