How to Open New Petrol Bunk in India: కొన్ని బిజినెస్లకు సంవత్సరమంతా ఫుల్ డిమాండ్ ఉంటుంది. అలాంటి వాటిల్లో పెట్రోల్ బంక్ ఒకటి. సరైన ప్రాంతంలో పెట్రోల్ బంక్ ఏర్పాటు చేసుకుంటే చాలు.. ఆదాయానికి ఏ ఢోకా ఉండదు. ఒక్కసారి ఇన్వెస్ట్ చేస్తే చాలు.. ఆదాయం వస్తూనే ఉంటుంది. ఇటీవలే ఆయిల్ మార్కెటింగ్ సంస్థ భారత్ పెట్రోలియం కార్పొరేషన్ (BPCL) కొత్త పెట్రోల్ బంక్ల ఏర్పాటుకు నోటిఫికేషన్ జారీ చేసింది. దేశవ్యాప్తంగా కొత్తగా 14,273 విక్రయ కేంద్రాలు ఏర్పాటు చేయనుంది. మరి పెట్రోల్ బంక్ ప్రారంభించేందుకు అర్హతలేంటి? పెట్టుబడి ఎంత అవసరం అవుతుంది..? లైసెన్స్ ఎలా పొందాలి..? వంటి వివరాలను ఈ స్టోరీలో తెలుసుకుందాం.
అలర్ట్ - కొత్త సిమ్ కార్డు కొనాలా? ఈ రూల్స్ తెలియకపోతే అంతే!
అర్హతలు:
Eligibility to Open Petrol Pump:
- పెట్రోల్ బంక్ ఓపెన్ చేసేందుకు 21 నుంచి 55 ఏళ్ల లోపు వయసు ఉండాలి.
- గుర్తింపు పొందిన బోర్డు నుంచి 10వ తరగతి ఉత్తీర్ణత సాధించి ఉండాలి.
- పెట్రోల్ బంక్ ఏర్పాటు కోసం దరఖాస్తు చేసే వ్యక్తికి రిటైల్ అవుట్‌లెట్, ఇతర బిజినెస్ నిర్వహించడంలో కనీసం 3 సంవత్సరాల అనుభవం ఉండాలి.
- దరఖాస్తుదారుడి ఆదాయం కనీసం రూ.25 లక్షలు ఉండాలి. అలాగే తన కుటుంబం మొత్తం సంపద రూ.50 లక్షలకు మించకూడదు.
- ఎలాంటి నేర చరిత్రా ఉండకూడదు.
- ఏదైనా లోన్‌ డీఫాల్టర్‌గా ఉండకూడదు.
గీజర్ కొనడానికి ప్లాన్ చేస్తున్నారా? - అయితే ఈ బెస్ట్ మోడల్స్పై ఓ లుక్కేయండి!
బంక్ ఏర్పాటుకు భూమి వివరాలు:
- బంక్ ఏర్పాటు చేసే ప్రదేశం.. దరఖాస్తుదారుడి పేరుపైనే ఉండాలి. చట్టపరంగా ఎలాంటి వివాదాలూ ఉండకూడదు.
- గ్రామీణ ప్రాంతాల్లో పెట్రోల్ బంక్ తెరిచేందుకు.. సింగిల్ డిస్పెన్సింగ్ యూనిట్‌కు 800 చదరపు మీటర్ల స్థలం అవసరమవుతుంది.
- రెండు డిస్పెన్సింగ్ యూనిట్ల కోసమైతే 1200 చదరపు మీటర్ల భూమి అవసరం.
- అర్బన్ ప్రాంతాల్లో సింగిల్ డిస్పెన్సింగ్ యూనిట్‌ కోసం 500 చదరపు మీటర్లు అవసరం.
- రెండు డిస్పెన్సింగ్ యూనిట్ల కోసం 800 చదరపు మీటర్ల స్థలం కావాలి.
- జాతీయ రహదారులపై పెట్రోల్ బంక్ కోసం సింగిల్ డిస్పెన్సింగ్ యూనిట్‌కు 1200 చదరపు మీటర్లు కావాలి.
- రెండు డిస్పెన్సింగ్ యూనిట్లకు 2000 చదరపు మీటర్ల భూమి అవసరం.
చిల్లర సమస్యకు చెక్- క్యూఆర్‌ కోడ్‌ స్కాన్‌తో కాయిన్స్- ఎలా విత్ డ్రా చేయాలో తెలుసా?
పెట్రోల్ బంక్ ఏర్పాటుకు ఎంత పెట్టుబడి కావాలి:
- పెట్టుబడిలో భూమి ధర, నిర్మాణ ఖర్చు, మిషినరీ ఖర్చులు, లైసెన్సింగ్ ఫీజు వంటివి కలిసి ఉంటాయి. ఇందులో స్థలం విలువ రూ.20 లక్షల నుంచి రూ.1 కోటి వరకు ఉండొచ్చు.
- కన్‌స్ట్రక్షన్ విషయానికొస్తే.. డిజైన్, మెటీరియల్స్, పెట్రోల్ బంక్ పరిమాణం బట్టి ఉంటుంది.
- బంక్ ఏర్పాటు చేసే ప్రాంతాన్ని బట్టి రూ.30 లక్షల నుంచి రూ.1 కోటి వరకు కావచ్చు.
- ఎక్విప్‌మెంట్ కాస్ట్లో.. ఫ్యూయెల్ డిస్పెన్సింగ్ యూనిట్స్ ఖర్చు, స్టోరేజీ ట్యాంకుల ఖర్చు, ఇతర మెటీరియల్ ఉంటాయి. దీనికి రూ.20 నుంచి రూ.50 లక్షల వరకు ఖర్చు అవుతుంది.
- లైసెన్స్ ఫీజుల కింద రూ.2 నుంచి 5 లక్షల వరకు ఖర్చు చేయాల్సి వస్తుంది.
మీకు ఎల్ఐసీలో పాలసీ ఉందా? - ఈ నెంబర్కు 'Hai' అని పెడితే నిమిషాల్లో పూర్తి వివరాలు!
లైసెన్స్ ఎలా పొందాలి? భారత్ పెట్రోలియం కార్పొరేషన్ లిమిటెడ్, ఇండియన్ ఆయిల్ కార్పొరేషన్ లిమిటెడ్, HPCL, SR, రిలయన్స్ కంపెనీలు.. పెట్రోల్ బంక్ల కోసం లైసెన్స్ జారీ చేస్తాయి.
- పెట్రోల్ పంప్ తెరవాలనుకుంటే వార్త పత్రికలలో లేదా అధికారిక వెబ్‌సైట్లలో ప్రకటనలు ఇస్తుంటాయి. అలాగే.. లాటరీ విధానంలో ఎంపిక చేస్తుంటాయి.
- ఇక పెట్రోల్ పంప్ డీలర్ ఛయాన్ వెబ్‌సైట్‌ https://www.petrolpumpdealerchayan.in/ లో ప్రకటనలు కనిపిస్తుంటాయి.
- డీలర్‌షిప్‌ ప్రకటనలోనే అన్ని వివరాలు, కండీషన్లు ఉంటాయి.
- "రిజిస్టర్ నౌ" ఆప్షన్‌పై క్లిక్ చేసి.. అకౌంట్ తెరవాలి.
- లాగిన్ అయిన తర్వాత "అవేలబుల్ అడ్వర్టైజ్‌మెంట్‌"పై క్లిక్ చేయాలి.
- కంపెనీ పేరు, రాష్ట్రం ఎంపిక చేసుకొని.. "అప్లై నౌ" ఆప్షన్ పై క్లిక్ చేయాలి. అడిగిన అన్ని వివరాలను అందించాలి.
- మీ ఫొటో, సిగ్నేచర్ అప్‌లోడ్ చేయాలి. తర్వాత "సబ్మిట్‌" బటన్ పై క్లిక్ చేయాలి.
- ఆన్‌లైన్ పేమెంట్ చేయాలి. ఈ ఆన్‌లైన్ ఫాం ఖర్చు ప్రాంతాలను బట్టి మారుతుంటుంది.
- గ్రామీణ ప్రాంతాల్లో రూ.100, మెట్రో పాలిటన్ ప్రాంతాల్లో రూ.1000 ఉంటుంది. SC, ST, OBC లకు చెందిన వారి అప్లికేషన్ ఫీలో 50 శాతం డిస్కౌంట్ లభిస్తుంది.
"మహిళా సమ్మాన్ సేవింగ్స్ సర్టిఫికెట్" - మెచ్యూరిటీకి ముందే క్లోజ్ చేయాలంటే ఎలా?
ఈ క్రెడిట్‌ కార్డులు లైఫ్‌టైమ్‌ ఫ్రీ - సూపర్ బెనిఫిట్స్ కూడా!
