Credit card utilization for best Credit score : మీరు క్రెడిట్ కార్డును కలిగి ఉన్నారా? పరిమితికి మించి దానిని ఉపయోగిస్తున్నారా? అయితే ఈ కథనం మీ కోసమే.
రుణార్హతను దెబ్బతీస్తాయి
Credit Card Can Hurt Your Creditworthiness : బ్యాంకులు ఒక వ్యక్తికి రుణాలు మంజూరు చేయాలనుకున్నప్పుడు ముందుగా క్రెడిట్ స్కోర్ను పరిశీలిస్తాయి. క్రెడిట్ స్కోర్ను అనుసరించి మాత్రమే ఆ వ్యక్తి రుణం తీసుకునే అర్హత ఉందా? లేదా? అనేది నిర్ణయిస్తాయి. ఒక క్రెడిట్ స్కోర్ తక్కువగా ఉంటే బ్యాంకులు మీకు అప్పు ఇచ్చే అవకాశం బాగా తగ్గిపోతుంది. అదే విధంగా వడ్డీ రేట్లలో రాయితీ పొందాలన్నా కూడా మంచి క్రెడిట్ స్కోర్ కలిగి ఉండాలి. వాస్తవానికి వీటన్నింటినీ మన క్రెడిట్ కార్డ్ వినియోగం ప్రభావితం చేస్తుందని మనలో చాలా మందికి తెలియదు. అందుకే క్రెడిట్ కార్డ్ వినియోగంపై ప్రతి ఒక్కరూ సరైన అవగాహన కలిగి ఉండాలి.
క్రెడిట్ స్కోర్ మెరుగ్గా ఉండేలా చూసుకోవాలి
how to improve your credit score : క్రెడిట్ కార్డు బిల్లులు, బ్యాంకు అప్పులు ఎలా చెల్లిస్తున్నారు అనే దానిని అనుసరించి క్రెడిట్ స్కోర్ ప్రభావితం అవుతుంది. బిల్లులు సకాలంలో చెల్లిస్తుంటే, మన క్రెడిట్ స్కోర్ మంచిగా పెరుగుతుంది. కేవలం ఒక్క రోజు ఆలస్యమైనా మన క్రెడిట్ స్కోర్ పడిపోతుంది. అలాగే క్రెడిట్ బిల్లులపై అధిక వడ్డీ చెల్లించాల్సి వస్తుంది. ఇది అందరూ చాలా జాగ్రత్తగా గుర్తుంచుకోవాల్సిన అవసరం ఉంది.
క్రెడిట్ కార్డును జాగ్రత్తగా వాడాలి
proper use of credit card : మనలో చాలా మంది తమ క్రెడిట్ కార్డును పరిమితి ఉన్నంత మేరకు వాడేస్తూ ఉంటారు. కానీ ఇది సరైన విధానం కాదు. క్రెడిట్ కార్డు పరిమితిలో 30 నుంచి 40 శాతానికి మించి ఖర్చు చేయకూడదు. ముఖ్యంగా తక్కువ పరిమితి ఉన్న కార్డుల విషయంలో మరీ జాగ్రత్తగా ఉండాల్సి ఉంటుంది.
ఉదాహరణకు మీ దగ్గర రూ.30,000 పరిమితితో ఒక క్రెడిట్ కార్డ్ ఉందనుకుందాం. అందులో మీరు రూ.15,000 అవసరాల కోసం ఖర్చు చేశారనుకుందాం. అప్పుడు మీరు 50 క్రెడిట్ వాడినట్లే. బ్యాంకులు, క్రెడిట్ బ్యూరో సంస్థలు ఇలాంటి సందర్భాల్లో మీ క్రెడిట్ స్కోర్ను తగ్గిస్తాయి. ఎందుకంటే మీరు మీ అవసరాల కోసం అధికంగా క్రెడిట్ కార్డును వినియోగిస్తున్నారని అవి భావిస్తాయి.
ఎక్కువ క్రెడిట్ కార్డులు తీసుకోకండి
Pros And Cons of Having Multiple Credit Cards : చాలా మంది స్టేటస్ సింబల్గా అధికంగా క్రెడిట్ కార్డులను తీసుకుంటూ ఉంటారు. ఇది ఏ మాత్రం మంచిది కాదు. ఎక్కువ కార్డులు ఉంటే వాటిని నిర్వహించడం కష్టం. ఒక్క బిల్లు మరిచిపోయినా, క్రెడిట్ స్కోర్ తగ్గిపోతుంది. అధిక మొత్తంలో వడ్డీలు కూడా చెల్లించాల్సి వస్తుంది.
అవసరాలకు మించి కొనుగోళ్లు వద్దు
Credit card over limit charges : క్రెడిట్ కార్డు ఉంది కదా అని అవసరానికి మించి కొనుగోళ్లు చేయవద్దు. కేవలం అత్యవసర పరిస్థితుల్లో మాత్రమే వాటిని వాడండి. మరో విషయం ఏమిటంటే కనీస మొత్తాలు వాడుతున్నప్పుడు కూడా చాలా జాగ్రత్తగా ఉండాలి. సకాలంలో రుణాలు చెల్లించాలి. లేదంటే వడ్డీ భారం పడుతుంది. మీ రుణ చరిత్ర అంటే క్రెడిట్ స్కోర్ క్షీణిస్తుంది. ఫలితంగా భవిష్యత్లో మీకు బ్యాంకులు రుణాలు మంజూరు చేసే అవకాశం బాగా తగ్గిపోతుంది.
ఇవీ చదవండి:
