Cheapest Airtel Prepaid Plan : ప్రముఖ టెలికాం కంపెనీ భారతీ ఎయిర్టెల్ తన యూజర్ల కోసం బెస్ట్ డేటా ప్లాన్ను తీసుకొచ్చింది. బడ్జెట్లో రూ.99 డేటా ప్యాక్ తీసుకున్నవారికి.. అపరిమిత డేటాను అందిస్తోంది.
భారీ వ్యూహం!
Airtel ARPU 2023 : వాస్తవానికి భారతీ ఎయిర్టెల్.. యూజర్ ఫ్రెండ్లీ టారిఫ్లు అందించి తమ వినియోగదారుల సంఖ్యను పెంచుకునే దిశగా అడుగులు వేస్తోంది. అలాగే ఒక్కో వినియోగదారుపై సగటు ఆదాయం (ARPU) కూడా పెంచుకోవాలని లక్ష్యంగా పెట్టుకుంది. ప్రస్తుతం భారత మార్కెట్లోని టెలికాం కంపెనీల్లో రూ.200 ఏఆర్పీయూతో భారతీ ఎయిర్టెల్ అగ్రస్థానంలో ఉంది. దీనిని మరింత పెంచుకునే దిశగా అడుగులు వేస్తూ.. తాజాగా రూ.99 డేటా ప్లాన్ను తన ప్రీపెయిడ్ యూజర్లకు అందుబాటులోకి తెచ్చింది.
వినియోగదారుల విభిన్న అభిరుచులు, ప్రాధాన్యతలకు అనుగుణంగా.. ఎయిర్టెల్ అనేక అన్లిమిటెడ్ డేటా ప్లాన్లను తీసుకొచ్చింది. కానీ హై-స్పీడ్ డేటా అయిపోయిన తరువాత.. ఇంటర్నెట్ స్పీడ్ ఆటోమేటిక్గా తగ్గిపోతుంది. ఇలాంటి సమయంలోనే అన్లిమిటెడ్ హై-స్పీడ్ డేటా ప్యాక్లు అక్కరకు వస్తాయి. యూజర్లు కూడా సరిగ్గా ఇలాంటి డేటా ప్లాన్ల కోసం ఎదురుచూస్తూ ఉంటారు. అందుకే భారతీ ఎయిర్టెల్ ఒక వ్యూహం ప్రకారం రూ.99 డేటా ప్లాన్ను తీసుకొచ్చింది.
అన్లిమిటెడ్ డేటా.. కానీ
Airtel 99 Prepaid Plan : ఎయిర్టెల్ రూ.99 డేటా ప్యాక్తో అపరిమిత డేటా వాడుకోవచ్చు. కానీ దీని వ్యాలిడిటీ ఒక్క రోజు మాత్రమే. మరో ముఖ్యమైన విషయం ఏమిటంటే, ఫెయిర్ యుసేజ్ పాలసీ (ఎఫ్యూపీ) నిబంధనల ప్రకారం, ఈ అన్లిమిటెడ్ ప్రీపెయిడ్ ప్యాక్ గరిష్ఠ డేటా పరిమితి 30జీబీ. ఒక వేళ యూజర్ 30 జీబీ మొత్తాన్ని వినియోగించుకుంటే.. తరువాత 64Kbps వేగంతో ఇంటర్నెట్ను వినియోగించుకోవచ్చు.
నోట్ : ఈ రూ.99 డేటా ప్యాక్ వాడుకోవాలంటే.. యూజర్లు కచ్చితంగా ఎయిర్టెల్ యాక్టివ్ బేసిక్ ప్లాన్ను కలిగి ఉండాలి.
అన్లిమిటెడ్ 5జీ డేటా
Airtel Recharge Plans Unlimited : ఎయిర్టెల్ 5జీ ప్లస్ అందుబాటులో ఉన్న ప్రాంతాల్లో యూజర్లు.. 5జీ ఇంటర్నెట్ను అపరిమితంగా వాడుకోవచ్చు. ముఖ్యంగా రోజువారీ పరిమితులు లేకుండా 5జీ డేటాను వినియోగించుకోవచ్చు. కానీ ఈ 5జీ సదుపాయం లేని ప్రాంతాల్లోని ఎయిర్టెల్ వినియోగదారులకు తాజా రూ.99 డేటా ప్యాక్ బాగా ఉపయోగపడుతుంది. హై-స్పీడ్ ఇంటర్నెట్ కావాలని ఆశించేవారికి, ఎక్కువగా డేటాను వినియోగించే యూజర్లకు ఈ ప్లాన్ బాగా ఉపకరిస్తుంది.
వొడాఫోన్ ఐడియా - ఆఫర్స్
VI Independence Day Offer : భారత స్వాతంత్ర్య దినోత్సవం సందర్భంగా వొడాఫోన్ ఐడియా (Vi) ఇండిపెండెన్స్ డే ఆఫర్ ప్రకటించింది. తమ ప్రీపెయిడ్ యూజర్లు రూ.199 లేదా అంతకంటే ఎక్కువ విలువ కలిగిన ప్లాన్స్ తీసుకుంటే.. 50జీబీ వరకు డేటాను అందిస్తోంది. రూ.1,499 ప్లాన్ రీఛార్జ్ చేసుకుంటే రూ.50; అలాగే రూ.3,099 ప్లాన్లను రీఛార్జ్ చేసుకుంటే రూ.75 వరకు డిస్కౌంట్ అందిస్తోంది.
