Amazon Prime Video Latest News : అమెజాన్ ప్రైమ్ వీడియో యూజర్లకు గుడ్ న్యూస్. ఇకపై ప్రైమ్ వీడియో చందాదారులు.. బీబీసీ ప్లేయర్, బీబీసీ కిడ్స్ వీడియోలను కూడా ఇదే వేదికలో వీక్షించవచ్చు. ఈ మేరకు అమెజాన్, బీబీసీ స్టూడియోలు ఒక ప్రకటన విడుదల చేశాయి.
Amazon Prime Video Add on channels : బీబీసీ స్టూడియోకు చెందిన బీబీసీ ప్లేయర్, బీబీసీ కిడ్స్.. ఇకపై అమెజాన్ ప్రైమ్ వీడియోకు యాడ్-ఆన్ ఛానళ్లుగా ఉంటాయి. దీని ద్వారా ప్రైమ్ యూజర్లు.. నేరుగా బ్రిటీష్ డ్రామాలు, కామెడీ షోలు, డాక్యుమెంటరీలు, ఎంటర్టైన్మెంట్, లైఫ్ స్టైల్ ప్రోగ్రాంలు, చిల్డ్రన్షోలు వీక్షించడానికి వీలవుతుంది.
Amazon Prime Video Subscription Plans : చందాదారులు అమెజాన్ ప్రైమ్ వీడియో సబ్స్క్రిప్షన్ రుసుముతో సహా మరో రూ.599 చెల్లించి, బీబీసీ ప్లేయర్ యాన్యువల్ సబ్స్క్రిప్షన్ ప్లాన్ను పొందవచ్చు. ఈ ప్లాన్ ద్వారా బీబీసీ కిడ్స్ను కూడా చూడవచ్చు. లేదంటే, కేవలం రూ.199 చెల్లించి, బీబీసీ కిడ్స్ మాత్రమే సబ్స్క్రైబ్ చేసుకోవచ్చు.
అమెజాన్, బీబీసీ కలిసి..
BBC studio collaborate with amazon prime video : అమెజాన్ ప్రైమ్ వీడియోతో కలిసి మొదటిసారిగా భారతీయ వీక్షకులకు బీబీసీ ప్లేయర్, బీబీసీ కిడ్స్లను అందుబాటులోకి తెస్తున్నామని బీబీసీ స్టూడియోస్ పేర్కొంది. ఇదే విషయాన్ని అమెజాన్ ప్రైమ్ వీడియో కూడా ధ్రువీకరించింది. భారత్లో తమ ఓటీటీ యూజర్లను మరింతగా పెంచుకునేందుకు ఇది ఉపయోగపడుతుందని ఆశాభావం వ్యక్తం చేసింది.
BBC Player shows 2023 : బీబీసీ ప్లేయర్లో వెరైటీ ఆఫ్ షోస్ ఉన్నాయి. సిక్స్ఫోర్, పొలిటికల్ థ్రిల్లర్ ది డిప్లొమాట్, సిట్కామ్ సిటిజెన్ ఖాన్, షెర్లాక్, అన్ఫర్గాటెన్, హ్యాపీ వ్యాలీ, టాప్ గేర్.. లాంటి ఎన్నో పాపులర్ షోలు ఉన్నాయి.
BBC Kids shows : బీబీసీ కిడ్స్లో చిన్న పిల్లలను ఎంతగానో అలరించే.. హే డాగీ, గో జిట్టర్స్, జోజో & గ్రాన్ గ్రాన్, షారా అండ్ డక్, జూనియర్ బేక్ ఆఫ్ లాంటి బ్రిటీష్ షోలు ఉన్నాయి. ప్రపంచవ్యాప్తంగా ఈ చిన్నపిల్లల షోలకు ఎంతో మంచి ఆదరణ ఉంది.
Amazon Prime video add on channels : ప్రైమ్ వీడియో ఛానళ్లలో ఇప్పటికే.. లయన్స్గేట్ ప్లే, డిస్కవరీ ప్లస్, ఎరోస్ నౌ, డాకూబే, మనోరమా మాక్స్, Hoichoi, MUBI, AMC+, షార్ట్స్టీవీ, ఎకోర్న్ టీవీ, క్యూరియాసిటీ స్ట్రీమ్, మైజెన్ టీవీ, మ్యూజియమ్ టీవీ మొదలైనవి ఉన్నాయి. తాజాగా ఈ జాబితాలో బీబీసీ ప్లేయర్, బీబీసీ కిడ్స్ కూడా చేరాయి.
