స్టాక్ మార్కెట్లు సోమవారం భారీ నష్టాలతో ముగిశాయి. బీఎస్ఈ-సెన్సెక్స్ 871 పాయింట్లు క్షీణించి 49,159 వద్దకు చేరింది. ఎన్ఎస్ఈ- నిఫ్టీ 230 పాయింట్ల నష్టంతో 14,638 వద్ద స్థిరపడింది.
దేశవ్యాప్తంగా కొవిడ్ విజృంభణతో ఇప్పటికే కేంద్ర, రాష్ట్ర ప్రభుత్వాలు అప్రమత్తమయ్యాయి. మరోసారి లాక్డౌన్ విధించవచ్చన్న అంచనాలతో మదుపరులు అమ్మకాలకు మొగ్గు చూపారు. ఈ క్రమంలో మార్కెట్లు భారీ నష్టాలను చవి చూశాయి. ఒకానొక సమయంలో సెన్సెక్స్ 1449 పాయింట్లు పతనమైంది.
ఇంట్రాడే సాగిందిలా..
సెన్సెక్స్ 50,028 పాయింట్ల అత్యధిక స్థాయి, 48,580 పాయింట్ల అత్యల్ప స్థాయిలను నమోదు చేసింది.
నిఫ్టీ 14,849 పాయింట్ల గరిష్ఠ స్థాయి 14,459 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
హెచ్సీఎల్ టెక్, టీసీఎస్, ఇన్ఫోసిస్, భారతీ ఎయిర్టెల్, టెక్ మహీంద్ర షేర్లు లాభాలను నమోదు చేశాయి.
బజాజ్ ఫినాన్స్, ఇండస్ఇండ్ బ్యాంక్, ఎస్బీఐ, ఎం అండ్ ఎం, బజాజ్ ఆటో, యాక్సిస్ బ్యాంక్, ఐసీఐసీఐ బ్యాంక్, ఐటీసీ, కోటక్ మహీంద్ర బ్యాంక్ షేర్లు నష్టాలను మూటగట్టుకున్నాయి.
