భారీ లాభాలతో ముగిసిన మార్కెట్లు- 14,900 పైకి నిఫ్టీ

స్టాక్ మార్కెట్లు

Published : May 17, 2021, 9:44 AM IST

Updated : May 17, 2021, 3:44 PM IST

15:42 May 17

స్టాక్ మార్కెట్లు సోమవారం భారీ లాభాలతో ముగిశాయి. సెన్సెక్స్ 848 పాయింట్ల లాభంతో 49,581 వద్ద స్థిరపడింది. నిఫ్టీ 245 పాయింట్లు పెరిగి 14,923 వద్దకు చేరింది.

ఇండస్ఇండ్ బ్యాంక్, ఎస్బీఐ, ఐసీఐసీఐ బ్యాంక్, హెచ్డీఎఫ్సీ బ్యాంక్, యాక్సిస్ బ్యాంక్ షేర్లు భారీగా లాభాలను గడించాయి.
భారతీ ఎయిర్టెల్, ఎల్&టీ, నెస్లే ఇండియా, మారుతీ సుజుకీ, సన్ఫార్మా షేర్లు నష్టాలను ముటగట్టుకున్నాయి.

11:49 May 17

స్టాక్ మార్కెట్లు భారీ లాభాల్లో స్థిరంగా కొనసాగుతున్నాయి. సెన్సెక్స్ దాదాపు 540 పాయింట్లు పెరిగి.. 49,270 వద్ద ట్రేడవుతోంది. నిఫ్టీ 140 పాయింట్లకుపైగా లాభంతో 14,820 వద్ద ట్రేడింగ్ సాగిస్తోంది.

బ్యాంకింగ్ షేర్లు భారీ లాభాలకు దన్నుగా నిలుస్తున్నాయి.

ఎస్బీఐ, ఇండస్ఇండ్ బ్యాంక్, ఐసీఐసీఐ బ్యాంక్, బజాజ్ ఫిన్సర్వ్, యాక్సిస్ బ్యాంక్ షేర్లు ప్రధానంగా లాభాల్లో ఉన్నాయి.
ఎల్&టీ, భారతీ ఎయిర్టెల్, నెస్లే, ఎన్టీపీసీ, సన్ఫార్మా షేర్లు నష్టాల్లో ట్రేడవుతున్నాయి.

09:26 May 17

14,800లకు చేరువలో నిఫ్టీ

దేశీయ స్టాక్ మార్కెట్లు లాభాలతో ప్రారంభించాయి. అంతర్జాతీయ సానుకూల పవనాలు, బ్యాంకింగ్ షేర్ల దూకుడుతో దూసుకెళుతున్నాయి. వ్యాక్సిన్ వార్తల సానుకూలతలతో కొనుగోళ్లకు మొగ్గు చూపుతున్నారు మదుపరులు

బొంబాయి స్టాక్ ఎక్స్ఛేంజి సూచీ సెన్సెక్స్ 450 పాయింట్ల లాభంతో 49,175 వద్ద కొనసాగుతోంది

జాతీయ స్టాక్ ఎక్స్ఛేంజి సూచీ నిఫ్టీ 117 పాయింట్ల వృద్ధితో 14,794 వద్ద ట్రేడ్ అవుతోంది.

లాభనష్టాల్లోనివి..

యూపీఎల్, ఇండస్ఇండ్ బ్యాంక్, అదానీ పోర్ట్స్, బజాజ్ ఫిన్ సర్వ్, ఎస్బీలు లాభాల్లో కొనసాగుతున్నాయి.

సిప్లా, టాటా స్టీల్, లార్సెన్, జెఎస్ డబ్ల్యూ స్టీల్, ఎన్టీపీసీలు నష్టాల్లో ట్రేడ్ అవుతున్నాయి.