దేశీయ స్టాక్ మార్కెట్లు వరుసగా మూడోరోజు నష్టాల్లో ప్రారంభమయ్యాయి. కరోనా వైరస్ విజృంభనతో ఆర్థిక వృద్ధి మందగమనంపై ఆందోళనలు వ్యక్తమవుతున్న తరుణంలో మదుపరులు అప్రమత్తంగా వ్యవహరిస్తున్నారు. కొవిడ్-19 ప్రభావంతో ఆపిల్ సంస్థ చేసిన ప్రకటన కూడా నష్టాలకు ఆజ్యం పోసింది.
బొంబాయి స్టాక్ ఎక్స్ఛేంజి సూచీ- సెన్సెక్స్ 258 పాయింట్ల నష్టంతో 40,797 వద్ద ట్రేడవుతోంది.
జాతీయ స్టాక్ ఎక్స్ఛేంజి సూచీ- నిఫ్టీ 82 పాయింట్లు కోల్పోయి 11,963 వద్ద కొనసాగుతోంది.
లాభనష్టాల్లోనివి..
జీ ఎంటర్టైన్మెంట్, గెయిల్, టెక్ మహీంద్రా, సిప్లాలు లాభాల్లో కొనసాగుతున్నాయి. యెస్ బ్యాంక్, ఇండస్ఇండ్ బ్యాంక్, భారతీ ఇన్ఫ్రాటెల్, వేదాంత, టాటా స్టీల్ నష్టాల్లోకి వెళ్లాయి.
ఆసియా మార్కెట్లు పతనం..
నిక్కీ, సాంఘై, హెచ్ఎస్ఐ, మలేసియా మార్కెట్లపైనా కరోనా వైరస్ ప్రభావం తీవ్రంగా ఉంది. నేటి ఆరంభ ట్రేండింగ్లో నష్టాల్లోకి వెళ్లాయి.
రూపాయి..
అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే 10 పైసలు నష్టపోయి రూ.71.42 వద్ద అమ్ముడవుతోంది.
