బలహీన పారిశ్రామిక వృద్ధి డేటా, విదేశీ నిధుల ఉపసంహరణ కొనసాగింపు నేపథ్యంలో ఇవాళ స్టాక్మార్కెట్లు నష్టాలతో ప్రారంభమయ్యాయి.
బీఎస్ఈ సెన్సెక్స్ 227 పాయింట్లు కోల్పోయి 37 వేల 253 వద్ద కొనసాగుతోంది. నేషనల్ స్టాక్ ఎక్స్ఛేంజ్ సూచీ నిఫ్టీ 69 పాయింట్లు నష్టపోయి 11 వేల 48 వద్ద ట్రేడవుతోంది.
లాభాల్లో
వేదాంత, టెక్ మహీంద్ర, ఎస్ బ్యాంకు, టాటా మోటార్స్, టాటా స్టీల్, పవర్గ్రిడ్, ఇండస్ఇండ్ బ్యాంకు, ఐసీఐసీఐ బ్యాంకు, మారుతీ, హెచ్సీఎల్ టెక్ లాభాల్లో ట్రేడవుతున్నాయి.
నష్టాల్లో
యూపీఎల్, హిందాల్కో, జేఎస్డబ్ల్యూ స్టీల్, హెచ్డీఎఫ్సీ, రెడ్డీ ల్యాబ్స్ నష్టాల్లో కొనసాగుతున్నాయి.
ఫెడ్ రిజర్వ్ వడ్డీ రేటు తగ్గింపు
అమెరికా ఫెడరల్ రిజర్వ్ కీలక వడ్డీరేటును 25 శాతం తగ్గించింది. ఫలితంగా వడ్డీ రేట్ల శ్రేణి 2.0 - 2.25కు తగ్గింది.
రూపాయి విలువ
అమెరికా డాలరుతో పోల్చుకుంటే రూపాయి విలువ 32 పైసలు తగ్గి రూ.69.12 గా ఉంది.
ముడిచమురు
అంతర్జాతీయ మార్కెట్లో ముడిచమురు ధర 0.70 శాతం తగ్గింది. ప్రస్తుతం బ్యారెల్ ధర 65.17 డాలర్లుగా ఉంది.
ఇదీ చూడండి: 'ఆహారమే ఒక మతం'- జొమాటో పంచ్ అదిరింది
