పెట్రో మంట, రూపాయి పతనంతో నష్టాలు

స్టాక్​మార్కెట్లు నష్టాలతో ముగిశాయి. పెట్రో ధరల పెరుగుదల, రూపాయి బలహీనం ఇందుకు ప్రధాన కారణం. వాహన, లోహ, ఇంధన, ఆర్థిక రంగాల వాటాలు ఎక్కువగా అమ్మకాల ఒత్తిడి చవిచూశాయి.

సెషన్​ ఆఖరి అరగంటలో మదుపర్లు ఒక్కసారిగా అమ్మకాలకు దిగగా.. స్టాక్​మార్కెట్లు నష్టాలతో ముగిశాయి. ఉదయం స్వల్ప లాభాలతో ప్రారంభమైన బొంబాయి స్టాక్​ ఎక్స్చేంజి సూచీ-సెన్సెక్స్​ చివరకు 324 పాయింట్లు కోల్పోయింది. 38వేల 731వద్ద స్థిరపడింది. జాతీయ స్టాక్​ ఎక్స్చేంజి సూచీ-నిఫ్టీ 84 పాయింట్లు తగ్గి 11వేల 642వద్ద ముగిసింది.

ఇవీ కారణాలు...

* ముడి చమురు ధర 1.25శాతం పెరగడం

* రూపాయి బలహీనపడడం

* ఏప్రిల్​ డెరివేటివ్​ల కాంట్రాక్టు ముగింపు వేళ మదుపర్లు అప్రమత్తంగా వ్యవహరించడం

నష్టాల్లో...

టాటా స్టీల్​, వేదాంత, మారుతీ, ఎస్​బీఐ, కోల్​ ఇండియా, టాటా మోటార్స్, సన్​ఫార్మా, హెచ్​యూఎల్​, ఆర్​ఐఎల్​, ఇండస్​ఇండ్​ బ్యాంకు, యాక్సిస్​ బ్యాంకు, హెచ్​డీఎఫ్​సీ డ్యుయో, ఐసీఐసీఐ బ్యాంకు, ఎమ్ అండ్​ ఎమ్, కోటక్​ బ్యాంకు, ఇన్ఫోసిస్​ (సుమారు 2.89 శాతం) నష్టపోయాయి.

దేశీయ కార్ల తయారీ సంస్థల్లో అతిపెద్దదైన 'మారుతీ' షేర్ ఇవాళ 2.23 శాతం నష్టపోయింది. మార్చి త్రైమాసికంలో మారుతి నికరలాభం 4.6 శాతం క్షీణించి రూ.1,795 కోట్లకు చేరింది.

లాభాల్లో..

భారతీ ఎయిర్​టెల్​, టీసీఎస్​, బజాజ్​ ఆటో ( సుమారు 2.08 శాతం) లాభాలను ఆర్జించాయి.

చమురు మంట

అంతర్జాతీయంగా ముడిచమురు ధరలు ఒక్కసారిగా 1.25 శాతానికి పెరిగాయి. ఫలితంగా ప్రస్తుతం బ్యారెల్​ ముడిచమురు ధర 75 డాలర్లకు చేరుకుంది.

రూపాయి విలువ క్షీణత

రూపాయి విలువ 37 పైసలు క్షీణించి, డాలర్​కు రూ.70.23 లుగా ఉంది.

ఇదీ చూడండి: అంతర్గత విచారణ కమిటీకి జస్టిస్​ రమణ దూరం