స్థిరమైన విదేశీ పెట్టబడుల ప్రవాహం, అంతర్జాతీయ అనుకూలతల మధ్య స్టాక్ మార్కెట్లు స్వల్ప లాభాలతో ట్రేడవుతున్నాయి. బొంబాయి స్టాక్ ఎక్స్చేంజి సూచీ-సెన్సెక్స్ ప్రస్తుతం 74.74 పాయింట్ల లాభంతో 38,841.85 వద్ద కొనసాగుతోంది. జాతీయ స్టాక్ ఎక్స్చేంజి సూచీ-నిఫ్టీ 20.85 పాయింట్ల స్వల్ప లాభంతో 11,664.30 వద్ద ట్రేడవుతోంది.
2019 మార్చి త్రైమాసికానికి రూ.8,126 కోట్ల నికర లాభం అర్జించినట్లు గత శుక్రవారమే ప్రకటించింది ఐటీ దిగ్గజం టాటా కన్సల్టెన్సీ సర్వీసెస్(టీసీఎస్). ఫలితంగా ఆ సంస్థ షేర్లు నేడు 3 శాతం వృద్ధితో కొనసాగుతున్నాయి.
లాభాల్లో ఉన్న మరిన్ని సంస్థలు
సెన్సెక్స్లో... కోల్ ఇండియా, టాటా మోటార్స్ , హెచ్సీఎల్ టెక్, వేదాంత, టాటాస్టీల్, హీరో మోటోకార్ప్, కోటక్ బ్యాంక్, ఏషియన్ పెయింట్స్, ఇండస్ఇండ్ బ్యాంక్, యాక్సిస్ బ్యాంక్ సంస్థల షేర్లు 4.12 శాతం లాభాల్లో ట్రేడవుతున్నాయి.
నష్టాల్లో ఉన్నవి...
ఐటీ దిగ్గజం ఇన్ఫోసిస్ షేర్లు అత్యధికంగా 2.73 శాతం నష్టపోయాయి. భారతీ ఎయిర్టెల్, సన్ ఫార్మా, ఎం అండ్ ఎం, ఓఎన్జీసీ, మారుతి సంస్థలు నష్టాల్లో కొనసాగుతున్నాయి.
బలహీనపడిన రూపాయి
దేశీయ కరెన్సీ రూపాయి మారకం విలువ అమెరికా డాలర్తో పోలిస్తే 11 పైసలు క్షీణించి రూ.69.26 వద్ద ట్రేడ్ అవుతోంది.
