వరుస లాభాలతో సరికొత్త రికార్డులు సృష్టిస్తోన్న దేశీయ స్టాక్ మార్కెట్లు ఇవాళా దూసుకెళ్తున్నాయి. సెషన్ ప్రారంభంలో జీవనకాల గరిష్ఠాలను తాకాయి. విదేశీ నిధుల రాక, ఆర్ఐఎల్, ఐసీఐసీఐ బ్యాంకు, ఎస్బీఐ వంటి హెవీ వెయిట్ షేర్ల దూకుడుతో తారా జువ్వలా దూసుకెళ్లాయి.
బొంబాయి స్టాక్ ఎక్స్చేంజి సూచీ- సెన్సెక్స్ ఇవాళ ఆరంభ ట్రేడింగ్లో మరోమారు రికార్డు స్థాయి 41,810 పాయింట్ల జీవనకాల గరిష్ఠాన్ని తాకింది. ప్రస్తుతం 75 పాయింట్ల లాభంతో 41,749 వద్ద కొనసాగుతోంది.
జాతీయ స్టాక్ ఎక్స్చేంజి సూచీ- నిఫ్టీ ప్రారంభంలో 12,285 పాయింట్ల జీవనకాల గరిష్ఠాన్ని చేరింది. ప్రస్తుతం 21 పాయింట్ల వృద్ధితో 12,281 వద్ద ట్రేడవుతోంది.
లాభనష్టాల్లోనివి..
ఎస్ బ్యాంక్ సుమారు 2.91 శాతం మేర లాభపడింది. ఎస్బీఐ, ఐసీఐసీఐ బ్యాంకు, హీరోమోటోకార్ప్, టాటా మోటర్స్, టీసీఎస్, ఎల్ అండ్ టీ, బజాజ్ ఫినాన్స్లు రాణించాయి.
వేదాంత షేర్లు భారీగా నష్టపోయాయి. 0.97 మేర నష్టాల్లో కొనసాగుతున్నాయి. కోటక్ బ్యాంకు, టాటాస్టీల్, హెచ్డీఎఫ్సీ బ్యాంకు, హెచ్యూఎల్ ఆరంభ ట్రేడింగ్లో డీలా పడ్డాయి.
రూపాయి..
రూపాయి స్వల్పంగా 12 పైసలు క్షీణించింది. డాలర్తో పోలిస్తే ప్రస్తుతం మారకం విలువ రూ. 71.15 వద్ద ఉంది.
ఇదీ చూడండి: ఓ 'బేబీ' ఎంత పని చేశావే.. అమెరికాలో సాఫ్ట్వేర్ నిపుణుడి అరెస్ట్
