ఈ వారం స్టాక్ మార్కెట్లపై అంతర్జాతీయ పరిణామాలు, త్రైమాసిక ఫలితాల ప్రభావమే అధికంగా ఉండనున్నట్లు నిపుణులు అంచనా వేస్తున్నారు. మార్కెట్ను ప్రభావితం చేసేంత పెద్ద వార్తలేమి లేకపోవడం వల్ల మదుపరులు తిరిగి ప్రాథమిక అంశాలపైనే దృష్టి పెట్టవచ్చని అభిప్రాయపడ్డారు.
గతవారం కేంద్ర బడ్జెట్, ఆర్బీఐ ద్రవ్యపరపతి విధానం లాంటి రెండు ప్రధానాంశాలతో మార్కెట్ సూచీలు జీవన కాల గరిష్ఠాలను నమోదు చేశాయి. ఈ క్రమంలో సెన్సెక్స్ 51 వేల మార్క్ను తాకింది. అయితే ఈ వారం మార్కెట్ కొంత ఒడుదొడుకులకు లోనయ్యే అవకాశం ఉన్నట్లు విశ్లేషకులు చెప్తున్నారు.
"మార్కెట్ను ప్రభావితం చేసే వార్తలు ఈ వారంలో లేవు. దీంతో ఆయా కంపెనీల త్రైమాసిక ఫలితాలు మార్కెట్కు దన్నుగా నిలిచే అవకాశం ఉంది."
-వినోద్ నాయర్, రీసెర్చ్ హెడ్ (జియోజిత్ ఫైనాన్షియల్ సర్వీసెస్)
ఈ వారంలో బీపీసీఎల్, ఎన్ఎమ్డీసీ, ధనలక్ష్మీ బ్యాంక్, టాటా స్టీల్, బ్యాంక్ ఆఫ్ బరోడా, గెయిల్, హెచ్సీఎల్ ఇన్ఫోసిస్టమ్స్, అశోక్ లేల్యాండ్ల షేర్లు ప్రధానంగా లాభాలు ఆర్జించవచ్చని భావిస్తున్నారు.
పారిశ్రామిక ఉత్పత్తి, ద్రవ్యోల్బణ రేటుకు సంబంధించిన సమాచారాన్ని శుక్రవారం మార్కెట్ ముగిసిన తరువాత ప్రకటిస్తారు. గత వారంలో బీఎస్సీ రికార్డు స్థాయిలో 4,445.86 పాయింట్ల వృద్ధిని నమోదు చేసింది.
ఇదీ చూడండి: వారాంతంలోనూ బుల్ జోరు- 50,700పైకి సెన్సెక్స్
