చివరి వారాంతంలో భారీ నష్టాలను మూటగట్టుకున్న సూచీలు.. నేడూ నష్టాలతోనే ప్రారంభించాయి. దేశీయ, అంతర్జాతీయ ప్రతికూలతలకు తోడు.. భారీగా విదేశీ నిధుల ప్రవాహంతో నష్టాల బాట పట్టాయి మార్కెట్లు.
లోహ మినహా.. ఐటీ, బ్యాంకింగ్, ఇన్ఫ్రా, ఫార్మా రంగాల్లో కొనుగోళ్ల మందగమనమూ నష్టాలకు ఓ కారణం.
బొంబాయి స్టాక్ ఎక్స్చేంజి సూచీ సెన్సెక్స్ 282 పాయింట్లు కోల్పోయింది. ప్రస్తుతం.. 38 వేల 54 వద్ద కొనసాగుతోంది. జాతీయ స్టాక్ ఎక్స్చేంజి సూచీ నిఫ్టీ 11 వేల 350 పాయింట్ల దిగువన ట్రేడవుతోంది. ప్రసుతం..72 పాయింట్లు క్షీణించి 11 వేల 347 వద్ద ట్రేడవుతోంది.
లాభనష్టాల్లోనివివే....
వేదాంత, టాటా మోటర్స్, యస్ బ్యాంక్, భారతీ ఇన్ఫ్రాటెల్, సన్ ఫార్మా లాభాలను ఆర్జించాయి. బజాజ్ ఫినాన్స్, హెచ్డీఎఫ్సీ బ్యాంకు, ఇండస్ఇండ్ బ్యాంక్, కోటక్ బ్యాంక్, ఓఎన్జీసీలు 2.85 శాతం మేర నష్టపోయాయి.
రూపాయి...
ఆరంభ ట్రేడింగ్లో రూపాయి 22 పైసలు క్షీణించింది. డాలర్తో పోలిస్తే మారకం విలువ.. 69.02 వద్ద ఉంది.
ఆసియా మార్కెట్లలో షాంఘై కాంపోసిట్ సూచీ, హాంగ్ సెంగ్, నిక్కీ, కోస్పీలు ప్రతికూలంగానే ప్రారంభమయ్యాయి.
