కోవిడ్‌ ప్రభావం టెలికాం వినియోగదారులపైనా పడింది. మార్చి, ఏప్రిల్‌, మే, జూన్ నెలల్లో మొబైల్, ల్యాండ్లైన్ వినియోగదారుల సంఖ్య రెండు కోట్లకుపైగా తగ్గినట్లు టెలికాం రెగ్యులేటరీ అథారిటీ ఆఫ్‌ ఇండియా-ట్రాయ్ వెల్లడించింది. లక్షలాది మంది ఉపాధి కోల్పోవడం, పెద్ద సంఖ్యలో కుటుంబాలు పట్టణాలు, నగరాలు వదిలి స్వగ్రామాలకు వెళ్లడం, ప్రజల ఆర్థిక స్థోమత పడిపోవడం లాంటివి టెలికాం వినియోగదారులపై చూపినట్లు ట్రాయ్ అంచనా వేస్తోంది. లాక్డౌన్ అమలు పూర్తి స్థాయిలో ఉన్న ఏప్రిల్‌ నెలలో అ ప్రభావం అత్యధికంగా ఉండగా ఆ నెలలో ఏకంగా 84లక్షలు మొబైల్, ల్యాండ్లైన్ వినియోగదారుల సంఖ్య తగ్గింది.
| ఫిబ్రవరి (కోట్లలో) | జూన్(కోట్లలో) | తగ్గుదల/ పెరుగుదల (కోట్లలో) | |
| పట్టణ | 66.12 | 63.68 | 2.44 తగ్గుదల |
| నగర | 51.96 | 52.36 | 0.4 పెరుగుదల |
| మొత్తం కనెక్షన్లు | 118 | 116 | 20.3 తగ్గుదల |
| కనెక్షన్ల సాంధ్రత | 87.66 శాతం | 85.85 శాతం |
పట్టణ, నగర ప్రాంతాల్లో 1.41 శాతం, గ్రామీణ ప్రాంతాల్లో 0.14 శాతం వాడకందారుల సంఖ్య తగ్గినట్లు ట్రాయ్ తెలిపింది. ఫిబ్రవరిలో 118 కోట్లుగా ఉన్న కనెక్షన్లు... జూన్ నాటికి 116 కోట్లకు పడిపోయి 2.03 కోట్ల కనెక్షన్లు తగ్గిపోయాయి.
బ్రాడ్బ్యాండ్ కనెక్షన్లను పరిశీలిస్తే ఫిబ్రవరిలో 68.11 కోట్లు ఉండగా.. జూన్ నాటికి కోటి 71 లక్షలు పెరిగి 69.82 కోట్లకు ఎగబాకింది. కొవిడ్ ప్రభావం ఉన్నప్పటికీ విద్యాబోధన అంతా ఆన్లైన్ ద్వారా జరుగుతుండగా బ్రాడ్బ్యాంక్ కనెక్షన్లు పెరిగినట్లు ట్రాయ్ వివరించింది.
| ఫిబ్రవరి (కోట్లలో) | జూన్(కోట్లలో) | తగ్గుదల/ పెరుగుదల (కోట్లలో) | |
| మొబైల్ కనెక్షన్లు | 116.05 | 114.07 | 1.98 తగ్గుదల |
| వైరలెస్ బ్రాడ్బ్యాండ్ | 5.87 | 7.5 | 1.63 పెరుగుదల |
జూన్ చివర నాటికి టెలికం ప్రొవైడర్ల వారీగా మార్కెట్ వాటా
- రిలయన్స్ జియో 34.82 శాతం
- భారతి ఎయిర్టెల్ 27.76 శాతం
- వొడాఫోన్ ఐడియా 26.75 శాతం
- బీఎస్ఎన్ఎల్ 10.37 శాతం
ల్యాండ్లైన్ విభాగంలో వాటా
- బీఎస్ఎన్ఎల్ 41.27 శాతం
- భారతి ఎయిర్టెల్ 21.57 శాతం
- ఎంటీఎన్ఎల్ 15.58 శాతం
- రిలయన్స్ జియో 7.35 శాతం
బ్రాడ్బ్యాండ్ మార్కెట్ వాటా
- రిలయన్స్ జియో 57.05 శాతం
- భారతి ఎయిర్టెల్ 21.67 శాతం
- వొడాఫోన్ ఐడియా 16.68 శాతం
- బీఎస్ఎన్ఎల్ 3.29 శాతం
ఫిబ్రవరితో పోలిస్తే జూన్ నాటికి రిలయన్స్ జియో రెండు శాతం వాటా పెంచుకోగా...భారతి ఎయిర్ టెల్, వొడాఫోన్ ఐడియాల వాటా తగ్గగా...బీఎస్ఎన్ఎల్ వాటా చాలా స్వల్పంగా తగ్గింది.
ఇదీ చదవండిః త్వరలో వాట్సాప్ వెబ్లోనూ ఆ రెండు ఫీచర్లు
