రెపో ఆధారిత గృహ రుణాల రేటును 30 బేసిస్ పాయింట్ల వరకు పెంచింది భారతీయ స్టేట్‌ బ్యాంక్ ( ఎస్బీఐ). దీనితో పాటు ఆస్తిని తనఖా పెట్టుకుని ఇచ్చే వ్యక్తిగత రుణాలపైనా వడ్డీరేట్లను 30 బేసిస్ పాయింట్ల మేర పెంచింది. బాహ్య బెంచ్ మార్క్ వడ్డీ రేట్లను(ఈబీఆర్) మాత్రం 7.05 వద్ద స్థిరంగా ఉంచింది.
పెరిగిన వడ్డీ రేట్లు మే 1 నుంచే వర్తిస్తాయని తెలిపింది ఎస్బీఐ.
పెంపునకు కారణం..
కరోనా నేపథ్యంలో రుణ గ్రహీతల నుంచి, రియల్టీ సంస్థల నుంచి క్రెడిట్‌ రిస్క్‌ పెరిగే అవకాశం ఉందన్న మార్కెట్‌ వర్గాల విశ్లేషణల నేపథ్యంలో.. ఎస్బీఐ ఈ నిర్ణయం తీసుకున్నట్లు తెలుస్తోంది. ఎస్బీఐని ఇతర బ్యాంకులు కూడా అనుసరించే అవకాశం ఉన్నట్లు బ్యాంకింగ్‌ రంగ నిపుణులు అభిప్రాయపడుతున్నారు.
